星期三, 9月 16

斷估-牛市

用咗兩個月, 今日終於突破中位 21192 点高收, 技術上已肯定喱次係牛一, 而唔係熊二反彈. 所以而家唔係除非出現强力反證, 即係大大跌破牛熊為止. 咁樣分析啲人怕且都覺得幾兒嬉, 但咁多信號都唔信, 都無乜好講了. 其實萬物都可歸於數, 自己都覺得神秘架.

坊間都知牛市中每逢調整應係吸嘢, 熊就反轉趁高減持. 但睇上次牛一過萬三后到頂只去到萬四就跟住急調回牛熊, 中間回旋只七八個而已. 而家牛熊萬六左右, 現距三十三個, 不能說没有壓力, 所以明天直調都不出奇. 波幅唔係話唔可以食, 但以炒股既技巧去限制住回調風險似乎穩啲, 例如本人已接近風險上限, 驚但又想食向上既波幅, 咁就每個新加既注咪即刻落番個止蝕盤先囉, 臨場做只怕猶疑累事. 如真係扑中, 就每天將止蝕推高便可, 可能唔好彩一入即輸, 但想贏点都要俾少少代價 呱. 如而家你滿手茄薯, 咁樣炒向上回報点都好過抽新股既. 21192 要睇實啲, 破番九成嚟了.

如果調調吓炒個啲都止得七七八八, 咁長期喳嗰啲都可以沽番少少出嚟, 假定彈嚟彈去都破唔到第一個止蝕位. 以炒既信號應更能捉到中期調回牛熊呱, 唔係跟住幾年都幾難追得番大市囉.

如唔想咁博, 就等兩萬樓下牛熊附近盡量買囉, 怕且係最后機會囉, 中間咪抽下新股, 有貨咪沽下 cover call option 收下 pace 囉, 下年第一季前都做唒呱.

3 則留言:

  1. 操作上英雄所見略同...
    唔通都係Jesse Fans?

    回覆刪除
  2. Livermore? 仲未去到呱, 得閒就指正吓啦.

    回覆刪除
  3. 當你有 2800, 估個市升唔到去邊樹, 想賺下 pace, 咁可以沽一張 23000 既 10月 尾call option (eg) 而家可以收番 305 点即係 15,250 , 唔穿就淨袋, 穿咗就到期日要沽正貨對沖囉 (1.15 mil), 跟住升幾多都唔関你事囉

    回覆刪除