845 一開市 3.5 尾附近, 計落應該無咁弱, 雖則大市冧緊, 忍一忍先. 手邊咁多手, 有懷疑, 通常先沽一半減低風險先. 未幾升升吓, 於 3.6x - 3.7x 先沽一半. 午前最高 3.81, 諗前幾日咁肉酸嗰啲都升多四五巴仙 mark 價, 估計應去到減十嗰個位附近, 食反前 set 3.85 后行街去, 兩點八九承咗, 最高去到 3.91, 收市 3.76.
沽之前見有網友話呢隻係好嘢, 睇四蚊去得番招股價可以慢慢買. 自己見佢個勢又唔係咁差, 係唔係可以等等呢. 但先前抽到一手兩手就手起刀落, 今次猶疑就因為揸得多得濟. 賭就係賭, 唔通即刻拎起本招股書去研究投資嗎. 古人都講過先求勝才求戰, 衰咗仲求乜鬼戰, 有秩序撤退才是緊要, 加注就更加唔駛諗, 愈陷愈深嗰時咪仲尷尬.
先前都講過, 正既派唔多或根本抽唔到, 獲利微不足道; 衰既就派到十至廿三十巴仙, 滿手蝕到眼坦坦. 不要提證券行留貨自肥, 截飛前有乜大户抽飛落幾多注散仔都唔會知呱. 咁似黑箱作業, 即係贏既就少少, 輸既就多多, 亂咁賭遲早清枱. 最簡單應付方法就係揀筍既先落相對大注, 雖然贏唔得多, 但跟莊大注點都撈得多少少, 破發亦能守耐啲, 最衰咪長揸囉, 同佢鬥長命. 無把握既咪唔抽慳番啲心力, 或落兩三注解吓賭癮咪算囉, 止蝕都無咁痛. 莫息當然無奈, 但世間無焗賭, 亂咁賭實輸.
再推論落去, 投行銀行有毒債估價, 外邊散仔知無, 爆緊仲 sell 緊俾你. 買公司債剩係可以賣俾銀行, 銀行就能夠以好價賣俾其他大行或者其他散仔. 如果你賭緊個局啲對手知得多過你, 或者你要讓半臂同佢雙手雙腳打, 就要小心囉. 想減低銀行風險, 減人工不如將所有收埋既衍生標準化去上版等價錢講俾你聽好過囉.
第二天收低過五十天線.
回覆刪除會唔會抽 禹洲,卓越,花樣年
回覆刪除同埋點睇佢地?
花樣年好似ok
星期初好似有隻卡姆丹克, 買點好似多啲, 緑色易炒啲呱. 內房輪米咁喱抽女水, 抽一兩手或者撞吓手神, 大手就未搞囉.
回覆刪除卡姆丹克今年怕且利錢跌剩一成唔到, 講下年盈利咪得啖笑. 禹洲福建幫都真係有啲危, 怕且只剩番利豐個隻可以諗諗 ...
回覆刪除個隻精細密個大股東叫阿黃先生, 即係乜水? 睇到咁存疑唔駛抽囉.
回覆刪除中糧包裝定價不低, 但阿爺做莊唔係 ah 上, 點都抽少少既.
民生 a 已上, 照例不會定得低過 a 價, 即係無乜肉食啦, 可能買已上內銀好過, 細注算數. 三一見唔到類似股類, 當係建材咁炒, 應係近期力作. 酒業新股定價睇落幾合理, 控制注碼抽吓囉.
回覆刪除