既然差價縮番哂, 呢一刻仲平過花旗市, 咁就要做嘢. 如你問我到底知唔知入面黑箱係乜, 老實講真係木宰羊. 但價值投資呢樣嘢, 如做唔到愈跌愈買, 去到位又疑三疑四, 咁同匯丰三十三有咪分別呢. 投資無話必贏, 但到咗規則就要即做嘢, 九十幾都想去買, 但百萬倉月尾做先出手, 咁個價仲靚啲, 雖則可能遲啲仲抵啲. 今次五巴仙注碼去撈貨, 係將贏咗既去博多一鋪, 預咗輸番啲出去同要守一排. 東尼話而家暈理都變咗投機工具, 咁都係一個信號既.
見到個市唔係咁就, 啲中長美息係咁跌, 日圓係咁升, 都唔好話無啲遲疑. 但海潚時十年美息最低都係二厘多啲啲, 而家都去到二厘半左近, 四月個時最高四厘, 跌落去既空間怕且都已有限囉.資金再斷鍊機會係猛印銀紙下真係頗低, 咁息只會中期內升番, 啲錢唔係債就係流入股市, 所以筆者斷估年尾前點都有一升浪破今年高位, 但要注意, 本人坐貨都唔少喎.
鼎力支持. 呢隻暈狸, 我坐了很重貨.
回覆刪除咁就要分吓啲注碼嘞; 嬴輸其次, 風險控制先至要緊.
回覆刪除