新高

	名稱	最後	代號	股數	買入價	交易日	總價	利潤	百分比
1	惠理	7.32	0806	50000	4.27	11/8/12	366,000	152,500	71%
2	中材股份	2.19	1893.hk	77000	1.86	14/1/30	168,630	25,248	18%
3	中石油	8.57	0857	18000	7.51	14/1/30	154,260	19,080	14%
4	PBR	45.96	PBR	2150	74.10	15/2/27	98,809	-60,513	-38%
5	重慶機電	1.27	2722.hk	120000	0.96	13/9/30	152,400	37,200	32%
6	中交建	10.90	1800	31000	5.22	14/6/30	337,900	176,080	109%
7	宏利	130.80	0945	1700	101.38	15/2/27	222,360	50,011	29%
8	經濟日報	1.60	0423	106000	1.67	14/11/28	169,600	-7,420	-4%
9	招商基金	14.22	0133	24000	11.81	14/3/31	341,280	57,960	20%
10	洛陽鉬業	5.49	3993	46000	3.23	14/3/31	252,540	104,190	70%
11	民航信息	8.91	0696	36000	4.42	11/8/19	320,760	161,640	102%
12	中國通信	3.44	0552	44000	4.34	14/3/31	151,360	-39,732	-21%
13	鞍鋼	5.70	0347	42000	4.29	14/5/30	239,400	59,220	33%
						股票總價	2,975,299	735,464	33%
		由		至		現金	56
		05/5/27		15/3/31		總額	2,975,355	總利潤	198%
	恆指	13,715		24,901				恆指回報	82%

唔驚唔覺, 百萬倉終於由零七年十月再創新高, 雖則個時比而家高十巴仙左右. 睇番如果個時組合乜都唔變, 而家怕且連貼回恆指都未必做到, 所以係高位都係要慢慢轉番去保守或用指數去追似乎明智尐.  但賭仔咁講, 咁多次到 25K 都無套現, 無可能就係今次先去做呢套動作, 真好似買保險一樣, 唔可以僥倖一兩次咯. 雖則好大誘惑去套贏得勁個尐, 但要食大浪, 真係要死忍, 橫豎遲早都要衝, 頂多等多半年一載, 個回報率值得票價有余.

當炒個尐自己按圖索隠勒, 上高 A 場升到含含聲, 但 133 連 A50 都係升得個零頭, 咁證明尐資金真係吸哂去北方了, 所以香港而家都係一個被帶領既市場, 不過帶領者不同了. 美息都係要睇新增職位, 咁怕且今年點都要加勒, 再加美市都唔會睇得太差, 咁宏利唔應該係低位磨得太耐, 點都要彈番上去, 中通信真係佢點同鐵塔公司分生意同折賬, 都係要存疑一下勒.

答問大會就普選個定義界說, 引起雙方冷謿熱諷, 信心滿滿個個連小學雞既程度都未有, 真係令人啼笑皆非. 高級概念怕且唔係三言兩語可以表達清楚卦, 唔係公平, 自由, 正義, 民主呢尐概念唔會反覆討論過千年勒. 如雙方討論時無假定有共同基礎的話, 咁仲立乜鬼約, 講乜協商溝通先. 無話個民主(例如) 係死板一片, 但係同時代下怕且都有基本共識, 唔係就南橘北枳囉. 就算於無一個清晰既定義共識下, 以老祖宗既方法, 就係以不民主既概念或事實黎指認民主, 亦都係一種破膠既方法黎既. 就好似港人口中常掛口中既公平, 都只不係平平白白對或錯既規則而已, 深入尐討論就唔知係對邊個公平勒, 當然係商討個時有尐買單既人係無可能出席到既. 市場自由更加血漬班班勒.  所以每睇一次經濟, 每一次 CCTVB, 作為讀書人, 起碼自己要反一反, 雕琢下個覆合概念, 唔好畀尐 JARGON 洗腦, 呢個係你地既基本責任.

找數

阿鴻興又玩尐乜都唔知既對沖合約, 怕且又係人民幣, 睇跌下都係走為上了, 現實買左雞仔注, 都係擺埋一邊算, 無勒勒爆上唔覺意都有之, 邊話得埋, 都係等運到, 大注就必走大半囉.  pbr 六蚊位守左幾耐, 又閤埋眼博多次, 雖則通常一買完又要開始跌, 但衰到咁貼地咁又真係幾少見喎.  本來都有諗過轉些少去獅王, 但宏利同佢咁跌法當然同樣一部份係外匯既走跌影響, 但兩隻都係楓葉強尐, 都係睇少隻好過, 唔係又係幫人找數者.

退潮

	名稱	最後	代號	股數	買入價	交易日	總價	利潤	百分比
1	惠理	6.62	0806	50000	4.27	11/8/12	331,000	117,500	55%
2	中材股份	2.07	1893.hk	77000	1.86	14/1/30	159,390	16,008	11%
3	中石油	8.37	0857	18000	7.51	14/1/30	150,660	15,480	11%
4	PBR	46.58	PBR	1300	90.68	14/11/1	60,551	-57,327	-49%
5	重慶機電	1.20	2722.hk	120000	0.96	13/9/30	144,000	28,800	25%
6	中交建	8.43	1800	31000	5.22	14/6/30	261,330	99,510	61%
7	宏利	126.70	0945	1500	96.94	13/8/30	190,050	44,640	31%
8	經濟日報	1.60	0423	106000	1.67	14/11/28	169,600	-7,420	-4%
9	招商基金	13.70	0133	24000	11.81	14/3/31	328,800	45,480	16%
10	洛陽鉬業	4.89	3993	46000	3.23	14/3/31	224,940	76,590	52%
11	民航信息	8.22	0696	36000	4.42	11/8/19	295,920	136,800	86%
12	中國通信	3.51	0552	44000	4.34	14/3/31	154,440	-36,652	-19%
13	鴻興	1.050	0450	64000	1.17	13/11/29	67,200	-7,680	-10%
14	鞍鋼	5.75	0347	42000	4.29	14/5/30	241,500	61,320	34%
						股票總價	2,779,381	533,050	24%
		由		至		現金	364
		05/5/27		15/1/31		總額	2,779,745	總利潤	178%
	恆指	13,715		24,507				恆指回報	79%

ah 股退潮中, 外幣逐日創新低, 反而恆指仲頂得下, 呢一季都係要以守為本, 等下尐驚慌位.

瑞郎一役, 無係 mon 前既當然要死, 就算擺左止蝕既都要陪葬. 平時炒股仔都可以尐止蝕盤無哂效, 簡單一諗, 如果沽家乜都唔理, 真沽哂畀尐買盤, 低過哂尐止蝕盤位, 到你個電腦發出止蝕盤, 個市價位已低過你個止位, 再上唔番呢, 唔係佢地點搵人平盤, 你認為可以真係可以隨時止到嗎, 咪去破產囉, 最緊要個尐唔係你既"對沖"錢者.

放棄

	名稱	最後	代號	股數	買入價	交易日	總價	利潤	百分比
1	惠理	6.52	0806	50000	4.27	11/8/12	326,000	112,500	53%
2	中材股份	2.34	1893.hk	77000	1.86	14/1/30	180,180	36,798	26%
3	中石油	8.58	0857	18000	7.51	14/1/30	154,440	19,260	14%
4	PBR	56.58	PBR	1300	90.68	14/11/1	73,548	-44,330	-38%
5	重慶機電	1.20	2722.hk	120000	0.96	13/9/30	144,000	28,800	25%
6	中交建	9.30	1800	31000	5.22	14/6/30	288,300	126,480	78%
7	宏利	149.60	0945	1500	96.94	13/8/30	224,400	78,990	54%
8	經濟日報	1.60	0423	106000	1.67	14/11/28	169,600	-7,420	-4%
9	招商基金	13.92	0133	24000	11.81	14/3/31	334,080	50,760	18%
10	洛陽鉬業	4.50	3993	46000	3.23	14/3/31	207,000	58,650	40%
11	民航信息	8.38	0696	36000	4.42	11/8/19	301,680	142,560	90%
12	中國通信	3.63	0552	44000	4.34	14/3/31	159,720	-31,372	-16%
13	鴻興	1.060	0450	64000	1.17	13/11/29	67,840	-7,040	-9%
14	鞍鋼	6.60	0347	42000	4.29	14/5/30	277,200	97,020	54%
						股票總價	2,907,988	661,656	29%
		由		至		現金	364
		05/5/27		15/1/1		總額	2,908,352	總利潤	191%
	恆指	13,715		23,605				恆指回報	72%

今年有波幅, 無升幅; 上年個個睇死 a 場, 點知半年就黎個大翻身, 而家又有邊個估到下一個會喪升既呢, 都係要靠估值黎開始先係正. 照過往斷估篇計算, a 場而家連三千尾中位都未破到,  雖則花旗香江市一鬼早都破哂了, 依 a 場性格, 都係要急升一輪先會有個了結.

年頭熱炒既濠賭股到年尾已要蝕入肉了, 所以與其追價, 不如平衡各組別襟玩尐勒; 而家油價同資源股同年頭岩岩調轉情景, 過一輪咪又係再回歸長期平均值, 都係要慢慢轉就得了, 或者等下個雙底先.

尐老一代話要放棄哂呢新一代, 換哂尐新香港人咁話; 無得做中港貿易,連空姐托盤都無得黎做, 都要開反架話. 與其坐以待斃, 咁不如諗下出路, 一為神工, 二為自己勒; 北上唔得, 咁只有出外了, 唔通食地產尐殘羹嗎, 學好外語同文化係必須卦, it 網上生意都係一個好既起步點黎既; 唔係就係學好炒股, 呢個本事就算你畀人篩走無得做 ao 或 ibank, 呢個技術都係無可剝奪既, 起始點都係公平既, 市場亦都係無限既, 當然唔計個尐 insider 勒.

身邊真係再無見到人睇淡樓市, 但美息今年怕且無得再唔郁, 唔通尐人要重複見多次淚水先識喊?

中立

	沽出:
	鴻興	1.1	450	68000			74,800
	買入:
	經濟日報	1.67	0423	46000			76,820
	佣金						455
						現金變動	-2,475
						現金	364
	名稱	最後	代號	股數	買入價	交易日	總價	利潤	百分比
1	惠理	6.11	0806	50000	4.27	11/8/12	305,500	92,000	43%
2	中材股份	1.91	1893.hk	77000	1.86	14/1/30	147,070	3,688	3%
3	中石油	8.41	0857	18000	7.51	14/1/30	151,380	16,200	12%
4	PBR	82.15	PBR	1300	90.68	14/11/1	106,795	-11,083	-9%
5	重慶機電	1.37	2722.hk	120000	0.96	13/9/30	164,400	49,200	43%
6	中交建	7.75	1800	31000	5.22	14/6/30	240,250	78,430	48%
7	宏利	153.70	0945	1500	96.94	13/8/30	230,550	85,140	59%
8	經濟日報	1.67	0423	106000	1.67	14/11/28	177,020	0	0%
9	招商基金	14.18	0133	24000	11.81	14/3/31	340,320	57,000	20%
10	洛陽鉬業	4.97	3993	46000	3.23	14/3/31	228,620	80,270	54%
11	民航信息	8.74	0696	36000	4.42	11/8/19	314,640	155,520	98%
12	中國通信	3.78	0552	44000	4.34	14/3/31	166,320	-24,772	-13%
13	鴻興	1.100	0450	64000	1.17	13/11/29	70,400	-4,480	-6%
14	鞍鋼	5.48	0347	42000	4.29	14/5/30	230,160	49,980	28%
						股票總價	2,873,425	627,094	28%
		由		至		現金	364
		05/5/27		14/11/28		總額	2,873,789	總利潤	187%
	恆指	13,715		23,987				恆指回報	75%

既然開多幾張牌, 先前睇得點好都要改, 資源有限, 唔通要死等. 咁就將印野變做報紙, 橫豎大家都係低位. 滬港通變左幽靈吸星大法, 唔好又話係大禮勒.  a 場一早需要提振, 技術亦突破左, 跟住內銀股應去番合理尐既股值.

平民甚而富豪要中立嗎? 怕且無公權力下, 唔使卦. 做官既當然可以有佢地既立場, 但如不平衡執法, 不均衡篩選, 偏頗咁去譴責某一方, 用某種意識形態黎文宣以至以教育, 打壓傳媒, 咁口邊常掛中立, 咁不如大剌剌趕走哂尐異議, 或者搬去河蟹區域好過囉, 講乜鬼香港營呢.

表態

	沽出:
	中石油	9.720	0857	12000			116,640
	宏利	146.1	0945	700			102,270
	買入:
	PBR	90.675	PBR	1300			117,878
	經濟日報	1.66	0423	60000			99,600
	佣金						1,309
						現金變動	123
						現金	2,839
	名稱	最後	代號	股數	買入價	交易日	總價	利潤	百分比
1	惠理	5.84	0806	50000	4.27	11/8/12	292,000	78,500	37%
2	中材股份	1.76	1893.hk	77000	1.86	14/1/30	135,520	-7,862	-5%
3	中石油	9.72	0857	18000	7.51	14/1/30	174,960	39,780	29%
4	PBR	90.68	PBR	1300	90.68	14/11/1	117,878	0	0%
5	重慶機電	1.40	2722.hk	120000	0.96	13/9/30	168,000	52,800	46%
6	中交建	5.95	1800	31000	5.22	14/6/30	184,450	22,630	14%
7	宏利	146.10	0945	1500	96.94	13/8/30	219,150	73,740	51%
8	經濟日報	1.66	0423	60000	1.66	14/11/1	99,600	0	0%
9	招商基金	13.32	0133	24000	11.81	14/3/31	319,680	36,360	13%
10	洛陽鉬業	4.64	3993	46000	3.23	14/3/31	213,440	65,090	44%
11	民航信息	8.09	0696	36000	4.42	11/8/19	291,240	132,120	83%
12	中國通信	3.63	0552	44000	4.34	14/3/31	159,720	-31,372	-16%
13	鴻興	1.130	0450	132000	1.17	13/11/29	149,160	-5,280	-3%
14	鞍鋼	5.71	0347	42000	4.29	14/5/30	239,820	59,640	33%
						股票總價	2,764,618	516,146	23%
		由		至		現金	2,839
		05/5/27		14/11/2		總額	2,767,457	總利潤	177%
	恆指	13,715		23,998				恆指回報	75%

PBR 貪汙醜聞纏身, 大頭妹又係贏得咁險, 即係最衰都係要偏番右多尐, 同要執番好盤數咁話, 雖則話新興尐貨幣要重新執位, 但差唔多係五六年低位, 都係落得過注既.  滬港通尐北佬真係唔知佢地點索料, 咁 ETNET 都係有佢既定位既, 再加上不排除要再和諧收購, 又係歷史低位徘徊, 技術上又有 UTURN.

匯丰話要一籃子咁去脫美元鈎, 咁即係跟住人民幣既尾而已. 尐官員實死口否認, 但係講得出既就唔係碎料, 真係郁既聴朝都會郁, 唔好咁天真, 兩地股市通都係外匯通既第一大步, 怕且跟住呢五年必有一場翻天覆地既大龍鳯了. 花旗正式 QE 襟旗, 俄佬又猛加息, 那邊箱架仔又大減價, 年尾前個焦點都要去番匯價同油價既走勢咯, 市況都唔會升得去邊.

習總個書單啱啱可以畀下香江小民參考一下, 佔既就睇悲慘世界點砌街壘, 要 UNFRIEND 既就睇九三年, 都係幾鬼到肉既, 怪唔得知要日日係旺角担遮幫拖. 但佔中一役, 搞到黃縁要做到咁激, 咁又點會了到個局呢. 中立係畀人話係騎牆, 但係無表態下都不失為一種表態, 而係邊縁危機下亦為一種強力黏合劑, 睇下蘇格蘭公投一役便可見了. 你話自己係絕對啱哂, 咁你同對立面有乜分別, 最緊要係作為一個人既立場, 而唔係一個形態既死立場.

運動發展至今, 真係無人估到后續發展可以去到幾盡. 但政府賴皮到咁, 真係再同佢撐落去真係無謂. 旺角尐人話要就算不成功至武力清場都要死守落去, 起碼對得主歷史咁話, 但你話自己代表自己, 咁即係唔通要七百萬個唔同咁傾先了結到嗎, 最尾都要搵個代表先傾到個比較可接受到既方案, 瓦崗寨都要求其搵個程咬金或李密做住首領先勒, 你做吾到頭都要甘心做住闖將先卦, 唔係漢朝做皇既咪係陳勝而唔係劉邦勒. 而家唔係打天下, 每個人都有佢既位置, 唔係攞到權后同中共家天下有乜分別先.

鬼站

一個月就跌差唔多二千點跌突甘話, 今次政治市真係超乎預期咁大同快, 又學多一堂矣. 友人話應一早去沽避險, 答道如為留個賺左既十零廿個巴仙, 咁都怕且幾難食到大茶反勒, 睇下你點玩囉. 滬港通吹左成半年有多, ah 差距已經去到差唔多了, ah 都有既大藍籌都係爭過五巴仙多尐者, 怕且到真係通個時做套戥都哂氣了. 沽大市去買 a etf 已係呢幾個月既指定動作, a 出其咁強都有眼見勒, h 追 a 細價股都係玩供需既遊戲, 真係唔識同尐 a 戶 同大戶玩勒. 尐人話玩買長實, a 既大野都唔玩, 係咪老點多尐啊. 反而係港線 h 紅既二三線真係升得既挺又強, 怕且係呢度落注仲有咁上下水位既.  133 畀人走數今日都算跌得少, 雖則差唔多畀高位跌左大半了, 但入面既決策咁鬼模糊, 尐折讓真係無老點你.

小事大要有智, 大事小要以仁, 大既后果呢幾日再不贅了. 但小對大既有尐底線係唔可以踰越既, 你可以同佢玩, 可以堅持談判, 但有尐野係不能觸及, 只可以玩模糊化, 各自表述, 各自下台階甘解釋. 如玩到反檯, 大當然要輸, 但以比例黎講, 小就通盤都要輸勒. 今次香港人直至此真係玩得好過預期, 但分散既好處大家已見到, 但壞處冒進怕且下個星期會湧現. 呢場仗係持久戰, 唔會係一個月內得到有效成果, 適當既佔中中央原則定時既表述同情報既分享係急中之急, 如明天都未搞妥咁就頗危了.

百夫

今個月突破先前一零年高位 24877 數天, 可惜似乎去得唔夠遠, 怕且要睇埋下個月了結. 尐 blog 友都講過, 而家大市 (包括 a 場) 尐估值差唔多係海潚價, 仲未呢七年既增長同修補, 如果只會劃下幾條線呢出出入入, 咁就去澳門好過勒. 2722 報告唔係咁正, 但都係高風險高回報之選, 雖則出面尐數據都係反反覆覆, 但香江尐指數都係大跑輸, 就算計埋呢浸所謂升, 都係要以博為主, 有排都未要守.

千禧年大家已經否決左中央公積金, 採用強積金黎做退休既保障. 而家推老年退保既都要話廿年后都爆煲, 咪即係搵六十后打后笨. 就算而家派到三千銀, 你估尐老人家真係有好大改善嗎. 其本源其實咪又係香江貧富懸殊得太厲害, 而老人家無以為繼, 個尖銳性咪更加令人關注囉. 如果去打劫紅毛鬼, 黎進貢法闌西, 咪即係尐窮人左袋去右, 有咪分別. 政府而家畀財團拹持, 叫佢抽投資性既差餉或資產增值稅, 咪即係與虎謀皮. 當然我唔會原教旨咁去做羅賓漢, 但個人消費不足, 同個別流動性膨脹催生一個個資產泡沫, 一個比較均勻既社會係有其可取之處, 資產者亦比較多另類生意發展, 人權同安全亦比較有保障, 合理既遞增稅係有其迫切性既, 但無民意實在既授權, 一切新法都係係度愚民多幾次而已.

從來都無預真係會授權香江小民, 但真係無諗都搞到咁核突. 你老老實實話要開明專政, 你咪一早話畀人知囉, 反正我地都有成廿千年既經驗, 咁自己都可以抉擇嗎. 但明明係狗, 你話係羊, 真係將小學雞既成語日日係 cctvb 同我地溫, 呢個真係挑戰常識既極限, 我真寧願要小人既真, 好過鄉愿既假, 起碼有殘酷既大度, 而唔係鬼鬼鼠鼠既閃縮.

搵食

今個月升回呢幾年既阻力處, 種種恐懼同追悔又一一告升, 但睇番大圖, 都係冉冉咁上升同大成交埋尾, 今次都怕且有七成係呢一季破頂, 年尾前應收高過二萬六, 怕係二萬八樓下, 睇下今次可以錯幾多.

惠理連今年初位都未到, 仲有水位可以補追; 中石油啊周老虎撲出, 都係回槍一下而已; 宏利點左穴, 但息都係要升番, 都怕且最差唔會脫腳得太遠; 133 三年唔發市, 睇下 a 股效應點威; 鴻興財務調黎調去, 實則都係要睇下大環境, 今季都係要睇位買尐.

大廈十日停電, 個個阿婆焗到成肚火, 翠華話唔好阻住佢搵食, 唔肯電改. 終於要搞到佔領翠華, 先達成共識收市六個鐘黎電改, 一個晏晝就搞掂. 咁尐阿婆有冇犯法呢, 阿翠華有冇依法甘要尐阿婆去賠償尐佔領間既損失呢, 當然佢地可以咁做, 但咁係咪合情, 或合公義呢?

殖民地教育都係叫尐蟻民做順民, 搵食者, 使唔使咁認真先. 但搵到既錢, 係咪同勞工法例有關先, 你食入口既係邊個檢查先, 尐錢係咪夠供樓活兒呢, 你兒子係咪接受到公平既教育機會呢, 一連串問題, 係咪搵食咁簡單先, 如你不爭取, 畀人自動代理, 而家咪係一個辦, 睇下而家有幾多人要退要移民呢. 你搵食, 出邊尐人要入黎搵食, 咁係係咪有權阻止先? 你搵食, 人地要卡住你唔畀你搵, 咁你又無渠道去反對先? 就算而家有得食, 你擔保實跟住有得食嗎?

食藥要苦, 針灸要痛, 如舌頭反對食藥, 四肢反對針刺, 當然合情合理, 但最后要跟住身子沉入黃泉, 諗諗勒. 其實大家有共同點, 唔係唔可以溝通下卦.

毛巾

半年跌過少少, 波幅都係咁窄, 睇爆都係要係下季內.

大孖咁博傻咁去抽新股, 今月已證明失哂效, 賭得愈太, 輸得愈勁, 好似馬交尐檯, 尐賭仔禁哂旗鳥獸散咁. 睇孖數, 睇 ah 差價, 但貴就係貴, 無打折, 點砌出黎都係要死, 仲係死撻撻個隻; 咁要平 pe 個尐, 少人都唔係托, 真係要想滅絕個市場咁, 其實尐保薦係度諗緊乜呢.

267 都係要搵人認頭, 橫左咁耐, 都係睇弱多尐, 沽左就轉隻大隻價值股, 平就得勒.

明天七一怕且都預有人演下佔領, 帶定 goggle 同濕毛巾勒

自由

反脆

既然變左型, 開頭入都係博鋼鐵業復蘇, 雖則真係無乜苗頭. 賺個尐就當係橫財, 分番去 347 鋼個邊, 減低注碼黎對應番個信心同所知.

如果有睇 Anti-fragile 呢本書, 咁應知道佢個啞鈴組合, 即係大部份 (八成以上) 係極低風險資產, 而其中一小部份則配置於高風險高回報之項目, 則其回報則程其正非對稱性, 即係輸個時可以保得住大部份本, 贏個時都可以跑得唔錯 (let profits run), 可能好過大市咁話. 其回報不取決於選股甚或時機, 而是其暴露風險之結構. 反而常人之集中組合或所謂中風險組合 (如七三股債組合或全賭股) 脆弱性太高, 跌得太勁唔夠本反身, 心理上亦太易投降, 甚易沒頂. 回睇自己組合, 其實都係十之二三跑出既係組合既主回報, 理由都好似同最初設想無乜關係, 好似私有化或炒緊軟件類咁, 而其他弱既要求都係唔好輸咁多者或有市場回報而已.

愛與和平講左兩年, 但紅衛兵十幾個游勇就迫到要反轉自由行, 大佬, 一個星期已經係天荒地老勒. 同上高講理性, 都由八九講到而家勒, 但人地東德人一推就仆哂係度, 邊個話唔理性就係唔理性呢, 可以咁講, 要一樣野發生, 如只用理性既話, 咁就一定一事無成, 唔係阿當個代早就滅絕哂囉. 今次火藥就齊唒, 你唔識引導, 仲要壓住咁話, 咁怕且要無序咁爆, 唔係燦爛, 而係慘烈. 唔好自己呃自己勒.

貪瀆

阿 267 變身做金融股, 其實同當初買入價值同博鐵價回升已有出入, 正路應該要沽轉其他, 個個配價都唔少人做成份, 但睇黎睇去, 真係搵唔到乜黎轉, 算把勒, 橫掂咁多都係高位無食, 盤 pei 咁話.

上高搞咁多財技抽水或扮注資, 都係要弔南水去救北者. 但上高咁屈機, 咁多老鼠同干擾, 紅又唔分, 想唔當係賭場都唔得勒, 尐人炒 ah 差距, 好似捉錯用神了. 睇下貪瀆指數, 可能搵下使費好過勒, 長就你諗你咯.

風雨

尐地產股猛咁抽水, 連獅王都要抽埋份. 都講過炒供嘢都要一年內了斷, 拧轉頭阿鄭生兩年內又要供多次股, 1125 高位無套哂, 但係贏住走就算嘞, 橫掂大把低位可以撈. 中材真係睇唔透, 唔郁都係策略呢既. 蘇联一出兵就話油價要猛跌, 調轉似多尐囉. 中信真係估佢唔到, 但以九六九七年經驗, 都係有排炒同水位啩. 招商一貫咁弱, 博吓佢又面值回購番, 兩三成幾日都有之. 中通信似乎跌定, 4g 點都要建啩, 都係左手袋右手, 跟住都有得數飛咯.

上高話一錘定音, 又話選舉係法律問題, 屈尾十又話要係上海做個鴻門宴, 一句講哂, 就係大石簀死蟹嘞. 上次秘密會談已成功分裂泛民, 今次邊個做宋江, 就必畀人打把之到地獄去. 而家唯一可以做既, 就係堅持公民共識, 而唔係枱底交易, 而家網上平台都做到七七八八嘞, 唔係就係自己搞公投囉, 大把熱血義工嘞. 而家風雨如晦, 群魔亂舞, 都係當大戯咁睇, 慳番啖氣, 留力係七月至年尾, 起錨好過, 那邊太陽花正開得燦爛呢.

壅川

月結前挾淡, 但建材同金融都係要藥煲. 睇落好似好强, 但一月效應咁跌法, 真係心有余悸, 重貨都係無乜好做, 都係要睇天. 但無貨咁既估值下, 點都值博過歐美, 雖則睇圖真係幾肉酸, 咁又要落番到底係用估值, 定係睇時機嚟個恆久既決定嘞.  2722 大部份人話要沽, 但沽極都係度磨, 咁反而愈嚟愈值博, 阿通信猛畀澳銀咁沽, 但諗落真係無乜壞消息, 3.5 樓下中長線真係入得過.

今個月尐新股唔係派都成手大蝕, 就係派得雞春咁少賺得仲微, 真係連時間哂埋都唔值. 孖到去 b, 當你有賺, 計落風險真係唔值, touch wood 係截哂飛時海潚撲過嚟, 咁你尐過百萬按金真係咁先, 仲未計輸突, 咁就算連贏十年都清哂嘞. 而家 a 頭無哂癮, 咁即係 a 頭派得好番尐, 咁不如分飛陰尐陰尐啄好過咯.

咁多年斬人事件邊件破得到, 咁即係第四權任人强姦, 要個個做寒蟬. 練工夫都要十年八載, 帶埋刀番工同行古惑有乜分別, 咁記者唯有個個用哂筆名, 好似民國記者咁, 但都係要比特務咁去狙擊, 怕且都係得啖笑, 怕且新聞要小說化或寫番幾齣雍正, 風花雪月囉, 正所謂:

早春杜鵑白日寒
班竹碧血見路旁
抽水嗟嘆聲聲急
呵呢吉帝過多場

抽水

係咁以就嘔突上年賺個兩三巴仙, 買咗最熊既 a 或新興個尐仲盞. 上個月未就話試高阻, 而家就要試上次個退市底, 唔講費事自己嚇自己.

股仔唔係跌得咁容, 最傷都係個尐內銀股, 真係擠極都有. 佢地尐信托都有成年回報八巴仙以上, 咁就知真既通脹有幾高嘞, 香港畀自由行同食品帶通通脹, 打個平均就知個官謊真係幾膠. 花旗都話用 siv, 起碼賺都佔大份尐, 而家仲要包底, 咁不如自己炒好過, 或真實行中小企貸及住穏尐囉.

脫脚

百萬倉今年跑到 18.6 巴仙, 相對番恆指個二三巴仙同 ah 既負回報, 都算過到関; 但比起美市或一路畀睇死既日市, 仲未計尐小型股 etf, 都係掹車邊咁話; 可知分散投資既緊要. 當然而家 a 股亦都被睇成籮底橙, 但好似日市, 幾時彈, 真係莫宰羊嘞. 但以以往輕驗嚟睇, 買得低點都係有 so, 易把握過時機.

美市持續跑贏世界其他指數, 大街表現亦無得質疑; 但收水下, 金市已跌破千二蚊大關, 14 年都係要持續創新低, 每一次反彈都係沽既機會; 日元創低去製造通脹, 但佢地個心都唔想過 120 先啩; 最近新興市場陰陰咁跌, 同第一市場走勢相反, 即證明尐籌碼都係喳係歐美人仕手上; a 市真係連牛一第一期反彈都未到, 但各市持續創新高后, 點都要最后同步, 睇吓點喪升吓, 不過真係好似零六年咁都怕且.

番睇番每年尾既組合, 似乎係低潮時都選得唔錯, 唔郁而家應好得多; 係高潮時如留到而家都怕且一早要爆煲了. 怕且要回到基本步, 都係要沽弱留强, 有尐真係好明顯跌落陷阱, 拖吓拖吓又一年, 換其他就真係太無謂, 換走太多以后强勢股, 未畀夠佢地時間表現, 等個時起碼比較起都唔算弱.

突破

巴西同國內都係死下死下, 就算升起上嚟都係好難跑得贏大市, 大額就應咁玩, 但百萬倉都係要博尐, 轉去鴻興, 博佢今次真係真反轉, 橫掂個價真係幾低. 806 上次高位都唔會咁渣, 牌面應會仲有一大浸. 啊招商仲唔搞下 spin off 或回購, 真係唔知仲有乜催化劑, 怕且要做尐嘢.

大市第三次去番二萬四以上, 其實成交仲未夠大, 但唔知係咪突破先嚟料. 但最近個一次底已係 19500 於今年中, 以往兩個就係 11300 同 16800 約莫 咁車上嚟, 睇下今次能否突破到嘞.

創新

四十大盗話要創新, 咪即係搶指數基金尐錢囉. 其實搵大錢, 都唔係一定要靠股權排到最后去博, 睇番股神打救美銀知衣, 都係主入優先股, 爆起上嚟都唔會喳都無哂, 仲要搭番夠認股證, 彈番上去就賺番鋪勁, 係一個經典既不對稱招.  而家本地既公司債散仔唔可以即市買賣, 一爆煲咁就一定要等白武士打救先得. 花旗想博會買入大折讓既高級債或優先股, 等破產后換入新公司之股票或延期之新債券, 咁好過尐 equity 沖到淨啩. 投資高科技骨水股本地好似無乜邊個有得賺, 唔好講個尐蝕咖嘞, 去撈底用債似乎穏得多, 個回報率唔會差得過用股票囉, 衰上嚟鬥長命起碼好少機會變零, 當然要識排隊同計清楚真係最尾剩番幾多.