套現 1

Sell 696 8000@20.95;
Sell 44 3200@69.25.

老千

啊李小生話同股不同權已經有人申請, 仲係第一性價比既小米. 坊間話去到八十五, 上八千億咁話, 真係都幾嚇人. 而家一 a 股既投票權等於十股普通股, 咁無落日條款下, 怕且除左佢死或間公司死外, 先會轉普通股嘞, 咁即係實際上無得會轉. 香港無集體訴訟權, 睇番上次炒燶澳幣事件, 個個小股東損失慘重, 但唔會為左呢筆錢, 大拿拿用幾千萬去對簿公堂啩. 咁又可以執多幾濟了. 啊李生忍都唔忍, 扮都唔扮, 即日就話要將尐咁既新科技股, 要鬆綁擺入指數基金既購入名單, 做賊食相都唔好太核突啩. 但一隻嘢過幾千億, 咁隨時連獅王都無, 以市值計咁真係會入硬咁話, 咁一入大股東同風險天使就即可套現, 只需留五巴仙就可以控制公司, 大升就出高薪 BONUS, 輸就闗你事了, 真係賣白粉都無咁筍咯.

香港大把老千股, 但只要你小心一尐, 都唔係咁易中伏既. 但隻股大到差唔多必入恆指, 咁你尐指數基金啊, 強姦金啊, 就要食硬尐 85 倍既小米了, 真係幾難哽得落咯. 投資者第一步怕且要死力反對將呢尐 k 股納入指數, 無論是示威又好, 打 EMAIL 都好, 出席會議都好, 第二, 真係入咗, 咁一就係用股票期權嚟長期對沖入面既毒 K 股, 一就係沽哂尐指數基金, 抽其中一半數可以買得落既指數股嚟追綜指數, 橫掂怕且有 1/3 都係非投資級的. 雖則印花稅交多尐, 但要維護價值理念同瞓得安心, 呢尐都只不過是散紙. 如長遠其不誠實文化侵入本港公司, 咁世界咁多可以民主投資既地方, 而且投資最緊要係跟到全球大趨勢, 咁就沽香港, 買一半全球, 余一半就買三至四個市場算嘞.

軍工

	沽出:
	中材股份	7.13	1893.hk	64000			456,320
	買入:
	中航	5.35	0161.HK	84000			449,400
	佣金						2,717
						現金變動	4,203
						現金	296,043
	名稱	最後	代號	股數	買入價	交易日	總價	利潤	百分比
1	惠理	7.31	0806	50000	4.27	11/8/12	365,500	152,000	71%
2	中航	5.35	0161.hk	84000	5.35	18/3/29	449,400	0	0%
3	海田服務	8.09	2883.hk	40000	11.42	15/9/30	323,600	-133,200	-29%
4	重慶機電	0.77	2722.hk	406000	0.89	17/12/29	312,620	-47,420	-13%
5	中交建	8.06	1800	46000	6.41	17/12/29	370,760	75,740	26%
6	招商基金	12.90	0133	24000	11.81	14/3/31	309,600	26,280	9%
7	洛陽鉬業	5.92	3993.hk	132000	1.15	15/7/8	781,440	629,640	415%
8	民航信息	22.75	0696	24000	4.42	11/8/19	546,000	439,920	415%
9	保利協鑫	0.97	3800.hk	400000	0.94	17/1/6	388,000	12,000	3%
10	天津發展	3.48	0882.hk	100000	3.71	17/12/29	348,000	-23,000	-6%
11	飛機工程	45.60	0044.hk	6400	50.05	17/12/29	291,840	-28,480	-9%
						股票總價	4,486,760	1,103,480	33%
		由		至		現金	5,793
		05/5/27		18/3/30		總額	4,492,553	總利潤	349%
	恆指	13,715		30,093				恆指回報	119%

包子全票上市，個個暗住心交口稱讚，賣個滿堂紅。但隔離個洋鬼子唔賣賬，當時運高睇佢唔到，但尐伙記話鬼佬用個微訊 LIKE 咗咯， 都幾有祖國特色嘅。但兩家鋪頭要打高壁壘，唔做對方生意，個死鬼佬仲要去把包子離家出走既小妾，真係惡向胆邊生，又要立威，真係打鐵都要全身硬，一於要鍊下拳咁話。打日本店艇好以唔夠勁，既然小妾係自家既，咁就不如閂門踢潘金蓮門口好無。但兩邊對壘，借小妾錢既怕且無運行啩，兩邊分配落注， 都要睇下實力高下啩。無話東亞病夫一定輸， 但啊個老古惑李油條一早搬哂累去啊歐盟店， 都係一個示範嘅。諗深尐，邊個係可以從當中矛盾贏硬先，賣武器同資源一定有得賺，咁啊歐蘇南店點都有蘇咯。

今季埋單連一個巴仙都無，最高時就差唔多賺成一成咁多，波幅唔可以話唔大。但今年計落起碼要有一萬點波幅，樂觀既低點係二萬八左近，高位係三萬八左右。衰既咪要跌番去二萬四左右。之所以二萬八左近應係最有機會做 TRADE 既地方。

中材就嚟完成合併，童年陰影下， 都係交脚走罷嘞。既然國防開支只會一路加落去，咁就轉去尐軍工股算。呢隻中航草草睇睇后， 真係唔知佢做乜，但估值上都算有得守，連老古惑都落注， 都算係一個保險嚟嘅。

膠波

二月初大地震，由花旗傳到北方，到昨日仲要微跌破咁話。話係熊市開始，怕且無咁快啩，地震都要有 ALPHA 波同 BETA 波，就當係 A 破嘞，咁都要等 B 同 C 波， 但一日過千點同美股咁跌法，就當係第一個訊號吧。有尐人話睇三萬八，我就不嬲都唔估頂，等回個時沽或反彈到三份一都有蘇。如再調，二百天線， 大概係廿萬七中左右都係入位了。如繼輸既話就學股神揸三十年咯， 包唔輸過債喎。

美元呢段時間強番但港元就創新低，即係有人走資了。見每日上高買貨淨低都低番，就當鬼佬做嘢無分別，咁即係要班師回朝。但上高登基場大龍凰搞緊，咁即係要起碼要過月中先有水回番賭埠。中長線話要加強融合，咁除政治外，咁去買番一半以上股份都係基本動作啩，咁即係要入大同有地個尐二三線咯。

啊 TRUMP 要提早搞選舉，咁以佢講咗當做咗既性格，咁尐貿易戰都怕且係選舉動作而己，就好似佢搞基建一樣， 都係整色整水而已。可能簽幾個行政命令，搞幾場新聞蘇，拖到選舉前為止。反而 APPLE 話生產線番噃花旗，睇佢開左幾間大廠，同上高外匯存底同又走幾間大廠，對外匯及息口走勢可能更有啟示。

派五百億都可以天怒人怨，起碼都算前無古人了。咁八成都派畀尐百萬年薪啊，大地主啊， 都唔好怪尐啱啱畢業同主婦同搵朝唔得晚嘈到拆天咯。尐人話派六千蚊，咪益左啊李生咁咶，咁派幾億又見佢地嘈，六千蚊就話唔公平，真係佢地小學計數學屎片啩。如每人六千蚊，當加埋畀細路仔嘞，咁即係五百億嘞，咁比較番射到深圳河河套既五百億，錢同地係香港人畀，但地係深圳用，請既公司同人都怕且係深圳來，咁不如每人買一個 IPAD 一個 IPHONE, 起碼可以打 ANGRY BIRD 消消氣，格吓價起碼可以幫本土賺番尐 GDP，又唔使第二期啊，第三期啊射落河了。高鐵遙遙有盡時，科技綿綿無了期啊，大佬。

坊間話政府儲備加外滙基金加埋同已有五萬億， 即係每人有七十萬咁話，仲未計尐小金庫啊同尐乜未來基金啊或土地發展基金啊。唔計地同已起既樓，咁即係可以起三百五十萬既公屋同足夠既醫院老人院加長期退休金了。咁政府每年都有錢收，咁佢既儲備既比例係咪要有合理既定量同其解釋呢？就當減一半勒嚟維持聯繫，四份一明明白白供獻祖國，咁淨番四份一都可以足夠解決以上所有問題，咁點解所謂唔係守財奴， 有新哲學既現政府，有資源但當問題睇唔到呢？

鬼王

	名稱	最後	代號	股數	買入價	交易日	總價	利潤	百分比
1	惠理	9.98	0806	50000	4.27	11/8/12	499,000	285,500	134%
2	中材股份	7.06	1893.hk	64000	1.71	15/7/8	451,840	342,400	313%
3	海田服務	9.33	2883.hk	40000	11.42	15/9/30	373,200	-83,600	-18%
4	重慶機電	0.83	2722.hk	406000	0.89	17/12/29	336,980	-23,060	-6%
5	中交建	9.34	1800	46000	6.41	17/12/29	429,640	134,620	46%
6	招商基金	14.58	0133	24000	11.81	14/3/31	349,920	66,600	24%
7	洛陽鉬業	6.02	3993.hk	132000	1.15	15/7/8	794,640	642,840	423%
8	民航信息	24.55	0696	24000	4.42	11/8/19	589,200	483,120	455%
9	保利協鑫	1.35	3800.hk	400000	0.94	17/1/6	540,000	164,000	44%
10	天津發展	3.82	0882.hk	100000	3.71	17/12/29	382,000	11,000	3%
11	飛機工程	48.45	0044.hk	6400	50.05	17/12/29	310,080	-10,240	-3%
						股票總價	5,056,500	2,013,180	66%
		由		至		現金	1,590
		05/5/27		18/1/31		總額	5,058,090	總利潤	406%
	恆指	13,715		32,887				恆指回報	140%

上個月先估美元強, 開口中就一路跌到而家. 炒唔緊要, 識得轉身先最緊要, 與其估啱, 不如賺啱, 係咪.

惠理怕且早知海航缺水, 小投資者有睇報紙都估到啩; 但一公布后就插番去八蚊邊, 點知跟住一日話派特別息, 又抽番上十蚊. 兩張通告等於兩巴, 沒自己觀點就等於畀初級煙幕抽水了. 但有尐連收購取消咗都唔知, 真係幾兒戯. 而家大市破左新高, 惠理仲係十蚊樓下, 計黎計去都無可能咁低, 睇下幾時爆.

太陽能板花旗抽多重關稅, 怕且中美貿易戰都要開打了, 爭在停留係間中戰定係全面而已. 通訊高鐵都唔使諗, 你係核心, 人地當然係. 但而家人地過黎開廠, 再買番畀自己, 但而家話要入黨委喎, 走佬都唔畀, 外資走得一間又一間, 連墨記都要變金拱門, 即係外匯創新低主要源頭了. 新既唔來, 舊既要去. 如係 A 場或內債場圏錢, 都係左手交右手, 咁可以創新的銀錢及外幣供應嗎? 而家連貪官啊, 蟻民啊, 都八仙過海. 咁咪要加速 A 股通啊, H 全流通啊, 同股不同權啊, 一帶一路債啊黎圏錢啊, 個棚而家搭緊, 等下火燒鬼王咁大陣張, 諗起都興奮.

花崗

	沽出:
	中材股份	5.82	1893.hk	63000			366,660
	洛陽鉬業	5.02	3993.hk	66000			331,320
	民航信息	23.45	0696.hk	12000			281,400
	買入:
	天津發展	3.71	0882.hk	100000			371,000
	飛機工程	50.05	0044.hk	6400			320,320
	重慶機電	0.82	2722.HK	180000			147,600
	中交建	8.88	1800.HK	15000			133,200
	佣金						5,855
						現金變動	1,406
						現金	1,590
	名稱	最後	代號	股數	買入價	交易日	總價	利潤	百分比
1	惠理	8.30	0806	50000	4.27	11/8/12	415,000	201,500	94%
2	中材股份	5.82	1893.hk	64000	1.71	15/7/8	372,480	263,040	240%
3	海田服務	7.61	2883.hk	40000	11.42	15/9/30	304,400	-152,400	-33%
4	重慶機電	0.82	2722.hk	406000	0.89	17/12/29	332,920	-27,120	-8%
5	中交建	8.88	1800	46000	6.41	17/12/29	408,480	113,460	38%
6	招商基金	12.98	0133	24000	11.81	14/3/31	311,520	28,200	10%
7	洛陽鉬業	5.02	3993.hk	132000	1.15	15/7/8	662,640	510,840	337%
8	民航信息	23.45	0696	24000	4.42	11/8/19	562,800	456,720	431%
9	保利協鑫	1.40	3800.hk	400000	0.94	17/1/6	560,000	184,000	49%
10	天津發展	3.71	0882.hk	100000	3.71	17/12/29	371,000	0	0%
11	飛機工程	50.05	0044.hk	6400	50.05	17/12/29	320,320	0	0%
						股票總價	4,621,560	1,578,240	52%
		由		至		現金	1,590
		05/5/27		17/12/29		總額	4,623,150	總利潤	362%
	恆指	13,715		29,919				恆指回報	118%

今年睇落好似易賺, 不過追番美股既前幾年升幅部份而已, 但 A 股咁落后, 怕且今次國內同胞都要谷爆一次港股咁話. 無買黱雞無買樓, 好似一江春水向東流, 可知幾難追得貼大市, 個個都話今年賺得勁, 但見市面個尐老散都係鞋口鞋面或問貼士, 真係唔知尐錢去咗邊. 百萬倉都算跑得出, 都係倉里個尐資源股跑得出, 同埋無喱頭既水泥搶高而已, 買個時都係睇個價位, 大大話話都擺左幾年, 升就升, 都怕且同開頭諗既無乜關係.  賺得勁既信息, 就轉尐去工程, 走得和尚走不了廟啩.  天津發展跟開, 又回到低價處, 買番尐做防守.  其余兩隻睇低位就再溝勒.

花旗稅改后, 美金會陸續回流, 再加收水, 下年美金應會再強落去, 睇往昔怕且工業股同貿易股應可一炒. 樓市不再 COMMENT 了, 癈事再做燈了, 睇下最后一個淡友幾時死埋. 而大家睇大市一定會創新高, 賺到又如何, 最難都係走得到, 守得到而已, 以時機定, 就不如以估值定穏尐咯.

大事小以仁, 小事大以智. 但現大事小以無賴, 小事大以暴, 繼以懦, 烏乎哀哉而已. 但人家叫你做花崗岩, 咁怕且係真心提點. 而家死守唯有靠民心民氣, 做瀾泥一片, 當然不成體統, 但可以隨塑隨棄. 如做花崗岩, 咁怕且吹佢唔長了. 兩制好似係港人死穴, 但調轉黎睇, 怕且係饅頭死穴多尐, 要走出佢, 點轉人民幣去美金啊, 一路尐美金又點轉啊, 投行尐股債又點推啊, 情報聯絡又點多個西方分身啊, 之所以, 只需港人以誠, 將饅頭推動一國既良圖解釋清楚畀世仇既花旗同外國人聴, 咁又何愁一國之偉業盡早完成呢?