我阿媽變成病態股徒,點算好?

Amber Ho :
本來父母的錢唔應該干預,由得佢地玩,可是我媽呢一年玩股愈玩愈大,一學人玩窩輪就一發不可收拾,當時我立刻想阻止佢,冇耐係內地實習留學,點都阻唔到,到了上年年底輸了幾十萬當時已叫老豆轉曬人民幣,保住舊錢,佢又成日要番工,管唔到個股票戶口,加上佢賭開波馬,以為總有得番身,咁就繼續縱容佢買.結果我四月份番黎香港,輸淨十幾萬到了五月份我覺得唔對路,日日同佢講放曬d窩輪佢,佢都唔聽你講,我就眼白白睇住佢d輪由毫輪變仙輪, 到而家輸淨七萬我覺得我好冇用,係呢件事上面,自從佢一買輪我就知道會輪身家,但係呢大半年我都阻止唔到呢件事發生到而家老豆先發現事態嚴重,但係都阻唔到佢買,佢將D錢轉了去個人戶口,認為咁樣就係自已買,唔關佢事,其實又咪老豆d錢,羊毛出在羊身上 我想盡辦法都搞唔掂,包括切斷佢同佢d輪友師奶的聯絡...佢都會繼續自已買,星期一無端端買了1192 @_@!!!好似冇股票係手就唔安落咁!!!本來舊錢係1997年爆bo 後坐貨坐番黎,2007年中都算番本了,而家都灰飛煙滅(當時我仲讀緊書, 都唔知咩事)而家睇番d帳單,以前佢唔係妖股都唔會買,279,988之類都有幫襯,而家仲hold到而家,各得番幾十股平買菜,洗衫時,言談之間就同一般師奶無疑再係咁落去我好擔心搞到家破人亡,跳樓, 我自已今年又得了大病, 恢復緊,冇可能全職出去工作,而且做剛出黎中醫,咁後生,收入一定唔穩定,隨時得4-5k一個月,同做清潔差唔多.(雖則我唔怕挨.....)有冇咩戒股方法可以諗諗佢

聰明仔
爛賭師奶同財經節目都唔係病因, 只係緣, 即係導火線, 大把人識爛賭師奶, 財經節目大把人聽, 但就唔係個個都爛賭, 即係唔關事啦乜野係病因呢? 舉例說, 生命冇滿足感, 不斷追求物欲; 生活冇安全感, 所以急住想要多D錢; 對於往事有內疚感, 潛意識想透過輸錢來懲罰自己作補償; 仲有好多......如果呢D病因仍然存在, 就算冇得賭, 佢都會自己另尋出路, 例如可能變暴食症. 好似你阿媽咁賭法, 平時一定長期緊張, 冇覺好訓, 身體變差. 不如搵日帶佢出去鬆下, 例如去郊外散步, 做按摩等等, 總之最緊要令佢暫時忘記D錢, 個人放鬆番, 自然明白賭同唔賭有乜野分別, 知道賭錢有乜野害處, 唔賭有乜好處 ...