匯豐‧２

獅王 103.9 明示要跌，但估不到兩三日已破沙士價 79 直至 75 蚊，今日殲滅性 AO 沽盤等同上周末 88 蚊盤。如要錢，一浸浸沽應可拿多些，一就係餓狗搶食，一就係 mark 價，今日不過六百億，承接力頗弱，近排沽家都是強者，幾時停真係木宰羊。中電煤氣亦跌過十，短期底怕已不遠，今次幅度速度大超預計，好則是快速拉低成本，壞的是低點可能更低，反過來說也可能是好事。古語喟飄風不終朝，反彈及另一底可能更快速出現，要睇實些。

減派息又用過，一半人以股代息拱托，減息派錢仲多又要挨沽，智者不為。現價博賺五巴仙收息七巴仙反掌甘易，果然通街是錢，但剩番的已嚇半死，彎身拾都無膽。筆者今日於八十一元補回先前沽貨，幫補少少。