雞尾酒

林奇雞尾酒理論一一驗證，非不必得已，已不願做席上六叔，橫豎談的是誰輸得少及何時食反彈而已。如叫人儲貨，雖表面諄諄，但連自己也覺得似傻瓜一樣，輸緊仲叫人買。

九月后市勢急轉直下，雖則於預算之內，但親臨當然不只是數字。新聞壞消息一浪接一浪，沒完沒了，身家亦跟大市日縮，想眾人不沮喪真係幾難。但反過來，如不是壞事充斥，整體又怎會大割引。如如所期，則現價已跌夠﹔如稍優，即現有水位﹔如差些才仍會向下，但現時氣氛怕多要睇淡些。

友人亦承認數年后現持貨應有盈利，但反問為何不於底部確定后才大舉入市，好過現在一路買一路蟹。如某人能確定股市怎行，那一定是騙子。就算波浪大師給的只是估計，即給出一個機率分佈背影來做買賣。

回想上年三萬筆者認為有雙頂，但也於前后沽貨減風險，如死等定變超蟹，雖則估岩則當時賺得更勁。又如有人視中期必有雙底或低至八千才曬冷，但錯了則錯失數年內難得低吸貨機會，雖則估中贏得更勁。筆者從來估頂底只是大概亦從來捉不實，一面是穩勝但先輸忍忍，另一面是忍不出手直至底部哂冷來勁贏，以本人經驗第一條路比較易操作，當然睇圖能幫較到靚位出入，但聰明小心太盡可能反被誤。

所以，一個審慎的行動必有利及其害，最重要是策略上長遠有利及於風險控制下，雖則短期內通常有損。