開咗三鋪大, 今季跟 a 場開番鋪細. 呢兩季係 19300 至 2300 做整固, 記得上次 817 大奇蹟日都係 19300 左近組織大反彈. 睇圖五十天線已破二百天線, 潛落牛熊怕且都幾少見,咁就唯有嗱嗱聲升上去, 好有底都係無得改囉. 呢季美市行得好過 a 場, 升上去都健康啲啩.
花旗要沽哂啲花旗銀行股票, 市場反而腳軟. 通常政府畜嘢托市通常都有得贏, 之后沽咗仲有大把水位, 唔買係咪太鵪鶉呢. xlf 技術上亦向好, 溝上怕可以開始.香江已踏入通脹期, 大家怕己感受得到, 啲油點會唔升先, 買定啲油股資源股做吓對沖嘞. 中旅未開車, 睇吓有無得加注.
呢排打 fb 明星台灣馬吊, 如個晚輸光,第日又畀番五百分你再打過. 結果就係晚晚都要輸光再嚟, 打吓打吓諗番方展博係台灣炒幾格個時又係次次輸, 怕且都因為諗住儲番又可以再賭, 同可以挖慳妹個荷包仔. 如輸剩一半, 通常賭大啲, 輸咗咪又聴日攞番五百; 如贏咗賭得更大, 一唔少心就輸都破產, 所以點玩都要輸清光. 表面睇係注碼既問題, 其實係心態既問題, 我估同賭期指差唔多啩.技術上去賭要限 pool, 唔好一路加新錢, 唔係都唔知自己輸定贏, 仲要將個局無限咁延長; 其次唔好隨意加大注碼, 平均注怕且都穏啲, 除非個鋪機會率有優勢. 心態上唔好諗住嚟發逹, 而係持續有盈利, 做唔到就係做唔到.
沒有留言:
發佈留言