無嘢寫, 通常都係好事, 起碼唔使較位去入嘢, 即係大調緊, 賺緊高臥咪夠.
惠理今星期畀人洗到不似人形, 后悔都已太遲, 注碼太少怕且要留守了. 呢兩星期以為內房股調到夠啩,慢慢入咗啲上海姑爺,點知呢兩日畀阿爺追殺, 內銀股都要跟跌; 但壓呢樣嘢, 通常都係有起之勢先會有, 即係有升先至有壓. 國指已領先咁跌, 爭廿百天 2.5 巴仙, 牛熊 6.2 巴仙, 雖則 macd 有不利交差, 但上次掂完無幾耐, 一年唔會掂咁多次啩, 都係偏向追多啲 h 股, 快啲為主, 睇吓下星期點調. 美股就炒復蘇, 雖則美股唔係幾識升得顛, 但注碼搭夠, 咁就夠圍了.
入吓入吓, 都幾乎滿倉. 聴到有人話大調整將至, 都有啲銀耳. 但反唇咁低 b 怕且真幼稚, 諗吓係咪有得轉身, 兩手準備到先係緊要. 做到全倉, 即係百份百有信心, 要賺到盡咁話; 但投資一路走嚟, 都係要不斷係懷疑之中,否定之后再去肯定,然后又再重複嚟諗過, 所以無乜係百份百啩, 但都要係不太肯定中要作決定. 留太多現金亦不會,睇勢起碼一年內都唔會有乜大上落,走失大升既風險仲大啲, 見到喪升先算. 真係滿嘢既話, 以百萬倉經驗, 係高位保守啲, 係低位進取啲, 其實已可跑得贏, timing 其實仲難.
今日 a 股期指開鑼, 以往經驗通常現貨跟住起碼喪升番一二年 (美市 82 香江 86), 但實際有無人國內沽期, 香江買 2828 做套戥就莫宰羊, 但點都有 so 啩. 但如細戶無現貨做對沖, 日炒夜炒, 咪好似本地打蹾嗰啲, 咪得個輸字. 反而最近研究指數期權, 計吓怕且先覺得值得落注, 就好似賭場既廿一點枱咁樣. 技術性就上網或拎本書睇吓先嘞, 簡單啲咁講即係想做庄, 定係做閒先; 如果你有現貨, 係高位 sell call, 或者你肯 "真心" 係位買貨, 所以係低位 sell put, 咁去食時間值, 咁你咪係庄, 爭在會唔會將本來大賺既嘔番啲出嚟. 其他既咪係閒囉, 如做以上動作而無咁既條件 (無貨或無錢無心買嘢), 咁輸起上嚟真係唔講得笑, 切記. 記得零八年有網友收 2600 sell put 跟其他每月十萬咁話, 但十月一役輸咗三百個, 幾年收埋都怕且要嘔突, 如輸哂按金怕且真係要 total ko 囉.
hoho,有條計想問一下你意見。
回覆刪除我最近睇Greece 2-years bond yield 突然標高，市場好像在IMF 和德國表態前出現反常態的high yield for bond.如果問阿媽借錢，(1萬到2萬港幣),用母子價問她借，買2-year Greece bond，風險如何？
買的理由在于
1. 德國大選以后一定會同IMF 救Greece。如果他們不救歐元會崩潰，或者希臘會離開歐元，我覺得沒可能，no one wants another currency crisis,而且希臘的經濟不是很大，德國可以把它拉上來（spain 同 葡萄牙就唔知啦）
2. 10 year 不在考慮因為我不相信所謂的福利經濟政府亂花錢會改。再者我相信歐洲一定會爆，只不過不在兩年內。
3. 作為第一個有問題的國家，其他國家救了一定可以活幾年，讓后裝著改革一下。兩年是一個不錯的時間。
4. business cycle 沒完，救Greece 是大勢所趨。
點睇?
kk
如果得咁少資本, 慳番啲心思好過囉. 如果一個投資(投機), 無乜頭暈身興, 得個十一二巴仙, 但衰起嚟就乜都無, 我就唔會賭囉, 除非預輸哂同 expected returns 夠高囉.
回覆刪除希臘問題不足懼, 最怕就好似九七金融風暴咁, 一個接一個爆啫. 先前阿根庭爆咗, 十年都回唔到氣, 啲債權人仲點會再借, 佢又點還息呢. 九十年代墨西哥爆, 美國出手救, 一兩年就搞掂. 所以呢個世界, 乜都有可能. 如要賭, 就預咗輸哂囉, 唔好諗高唔高息, 唔記得雷曼迷債嘛. 其實投機有好多比較保險既方法, 首要分注先, 同睇值博率先出手.