地獄的階梯

每當見到自己手上細價股愈跌愈有，總有一股衝動想低位溝貨，幸好通常都能控制著。有一派人絕對反對愈買愈低，說為何不愈高愈買，既可以不用承受蝕錢痛苦立刻賺錢，其次亦可以一回即可止賺走。對話如下:

A: 小弟金融風暴時親身經歷: 新鴻基地產當年由$100-跌至$50-, 好抵吧, 但都分3注買: 結果$50-1注;$40-1注; $30-最後一注...結果跌至差唔多等於佢個number先停, 真係輸到 ; 最後當然好好彩上返去, 由低位升左近3倍$50-買返出去, 最後升到$7x(此乃後話), 途中要近年幾兩年時間先返身...但呢種注碼法唔係隻隻咁好彩, 買中#8仔就 (今日重有好多隻都未返身), 所以一定要順勢!!!

B: 其實你平均價 40 蚊，守多一年可到一百蚊 tim. 用三年時間有甘既回報想點‧ 如果買入個價 ok 同公司衰退系掌握之內、跌多多當訓覺算‧當然不要獨沽一注啦‧

A: 當時已經是低位升番近3倍上來, 在當年負資產, 高失業年代, 誰可保證地產股還會升到幾多...尤其捱過咁耐價的, 好多人的心態都已經由"搏反彈"轉至"輸少當贏", 何況我仲有少少賺呢?!

B: 大部份人都會平手走、市通常會由極低走到極高、反之亦然‧

其中分野應是投機與投資態度的分別。投機者視野通常較短及較關注價錢變動趨勢，短期不用蝕及賺最多錢當然為其取態。投資者則著重防守性及認為價錢越低價值及防守性亦愈大，理性上投資者應歡迎一個下跌中的市場或股票，如果他仍有資金及其標的價錢在合理範圍之內。老手應不妄想買在底部，只希望在其附近買入，所謂附近可在一倍以上及在此過程要準備承受損失。

投資者的盲點是認定每一次向下都是價值的金礦。Enron 及盈動不用說了，美國舊科技藍籌 RCA 從二十年代到六十年代亦未能創新高，三四線更不用試了，除非想破產。此階梯只可用於藍籌大價股，而且業務要有相對防守性及穩定性，買入時亦要悠然及先想像最差情形。

如想進阿鼻永不翻身，可溝輪。