利差

貝爾斯登爆煲只因連 Agency bonds 周轉亦有困難，美國今次真大大鑊，投資者已由少少希望反轉，向下走一輪無可避免。

利差交易本身沒有問題，數次爆炸原因皆為高槓桿，今次多達三十多倍，持沽部位走移幾巴仙已沒頂。投資者水往低流自然之道，賺息又賺價，但其前提為投資期持勢強於沽，就算蝕價亦短期內守得到。普通澳日交叉盤槓桿十至廿倍，相對價錢背馳五至十巴仙已爆煲。近日日元升了八巴仙已令全球股市跌個四腳朝天。數學模型只能計算正常平衡情況，於突發極偏離事件反成本身催命符，如股神話齋，不要將自己置身任何破產機會以博大財，雖則其爆煲可能性少於多少個零，冥冥中就睇住你食。

美元減 3/4 厘或以上已成定局，美元各國儲備豐厚更加強熱錢之製造，日元三月后匯價應趨穩定，商品價會升到無人相信階段，幾時爆煲誰人能答，記著止蝕便可以。