百萬倉 - 中場

花旗香江全穩收高於中點, 上斷估篇九月十六號后只有大概十日收低過,最低只差不過四巴仙; 再加已持續破中位, 反覆證實已為牛市, 爭在係是快是慢, 調咗先升, 定係再喪升一排先再插啫. 現家盈富二百天位係 19.2,牛熊位係 18.3, 今日收 22, 向下十七巴仙, 向上廿五至三十 (假定 26.5 到 28.8), 但先前高位大概為 23, 比牛熊高廿五巴仙左右, 似乎未夠顛住. 所以斷估下頭半年內要創中期高先, 跟住先嚟個大調整. 注碼照睇就起碼一半半, 真插破 18.3 再逐漸撤退避險. 點樣加注, 用乜策略, 係初牛唔駛我教啦, 但往后波幅應少於今昨兩年.

今日好似有啲粉飾櫥窗, 但亦可能有人忍唔住偷步. 惠理 3.7x 守得幾穩, 有人吸緊, 跟住應有突破. 宏利配股后 130 守得住, 求神唔好再嚟集資配嘢. xlf 同 cop 仲係到磨, cop 就食硬往后通脹. 中旅則一浪高過一浪,如回到 2.1x 或以下再加注.

年檢

今年大上大落, 驚心動魄, 對朋友曾說過經此一役, 勝讀十年書. 循例年尾都要做吓檢討, 以免再重覆犯錯, 今次成本比起以往高得太多, 諗起都隱隱作痛.

理論上管理層同股東坐係同一條船, 但各跨國金融巨企爆煲, 主要原因為管理層盲目追求盈利增長, 抵觸審慎投資之原則. 其目的為追求經理人超額花紅及權力之擴張. AIG 及 Citigroup 等未全爆前都發聲明, 話衍生捐失只佔股本少許, 過多陣就無哂事. 畀佢老點郁都唔郁個啲股東, 輸到直一直, 仲未計埋中途供股個啲呆鳥. 港人熟曉既滙豐夠誓神擘願話唔會供股同減派息, 咪又一個屈尾十仲要做突. 啲所謂良心聲明, 互相私下溝通, 老屈咗幾多港人既錢, 咁樣去推斷都算合情合理呱. 所以每一個聲明都係有原因, 而所帶嚟既好處當然係吹嗰個, 就算你半信半疑唔識郁都得. 下次如果某管理層或政府反覆否認某事, 但如成事對你本身有莫大負面影響, 咁就要當成真咁去作出至少部份或全面避險, 猶其是市場力量對着幹時, 啲錢落咗注點都可靠過啲老點迷障;

睇番自己中短期估市得啖笑, 就可知估市之無聊. 就算長期估得似樣啲又有乜好處, 咪淨係識得個驚同望住個升字. 此所以估市應以中長期為目的, 短期估呢嘥氣. 而執行策略上要引入一定量化目標, 到位及有信號時要自動做嘢, 而唔係靠直覺鵪鶉咁去交易. 計劃數字要係估市后要列明, 而唔係臨場去諗, 或衰到要去改;

筆者至今仍未買賣過期指及窩輪等衍生工具, 但見到網上死咗咁多都未免奉勸一句. 既然短線大市及股價不可測, 短炒既話基本上已注定死硬. 如果你諗自己就唔係常人, 應該有得贏, 咁你同普通賭仔都怕且無乜分別. 本人不反對用衍生嚟做正貨對沖, 猶其期指係唔錯鎖住利潤既工具. 但更多人單邊咁去賭, 仲要一張叠十張咁去加注, 真係知個死字點寫無. 保險怕且應係用嚟買人壽, 做投資就預咗上上落落, 鋪鋪廿一點都落保險 pace 實輸死你;

睇番紀録錯既多, 啱既少, 差唔多七三比. 但計落都有啲賺頭. 所以長線投資呢樣嘢, 怕且唔好怯於落注, 橫掂都要預咗輸既多贏既少. 當然買咗咁多落后股, 緊係賺少咗. 所以點樣篩選强勢股, 點樣控制注碼嚟輸少啲同贏多啲, 怕且要諗得仔細啲, 反正定咗個方向先.

左右

同老同學反局, 吹吹吓又講到最近公投同最低工資, 時有火花. 俾人問到是否反自由經濟主義, 亦反唇問到咁自由又點會有雷曼爆煲, 係咪政府咪都唔駛管先.

政經政經, 從來就係孖生胎, 大部份政治問題就係點去分餅仔, 雖則個個政客都話係點整大個餅先係正路. 而家個餅整咗幾十年, 夠大呱, 咁怨氣點解愈嚟愈高呢. 老祖宗都講過, 不患寡而患不均. 要長治久安, 就要各階層和諧共存, 而唔係同你去做奴隷, 僅僅吊你到生存線就算. 好似一塊爛地, 你可以將佢變做麥田, 或做動物園收入場費, 或當癈物回收場以賺錢, 每一個都是平衡同埋可以持續既, 但如果你係入面其中一隻馬騮, 你又係唔係咁諗呢? 俾主人殺到埋身, 你仲去理到底個總 "社會" 大餅係咪最優化呢?

兩個人去分配一百萬, 主人有分配權, 僕人有否決權搞到大家都無, 最極致就係革命. 現實主人玩得起, 同你慢慢陰, 所以結果僕人只獲枱邊餅碎, 勉強維生而已, 唔好講結婚生仔囉. 十九世紀夠哂放任自由啦, 咪最后要立法保障工時等基本福利, 亦催生咗共產主義同人人髮指既法西斯. 叫啲資本家自動為下低啲人謀福祉, 或佢地好生意就自然滲落去, 咪講笑啦, 已經血蹟斑斑啦.

政府既責任就係市場不能完成任務或失靈時, 要提供必須之服務或以修正, 而日常則以仲裁市場運作及資源再調配以作政治上之分配及規劃. 現家政府一來自人大委任, 其副則來自所謂代表港人之小圈子選舉團. 上邊搖控不能日日睇住, 實際畀啲商業壟斷大亨騎劫了政權. 要佢地倒自己米, 攞少啲着數, 即係期望太陽由西方升起一樣. 筆者相信自由資本主義係某時段能創做出最大既財富, 但個個都咁窮, 啲資本又淨係拎去再投資, 或者快出快入咁炒, 咁係咪你啲仔女想要既環境呢. 而家上高都搞內需, 香江個個做港男港女, 揾鬼買佢地啲樓, 再去買奶粉呢?

ps 最低工資都要用客觀經濟嚟解決的, 啲資本咁醒啲會唔識避. 但呢個係技術上既問題, 而唔係方向上既問題, 好似用低收入津貼效果可能好啲, 一樣可以去諗.

執漏

上星期日日有新股上版, 炒完仲要倒輸啲出去. 其實成年計落條數, 怕且只賺到條毛而已, 反而用親戚個戶口年尾抽幾次, 諗住幫補吓, 反而收獲差唔多. 其中分別就係質素同注碼既分別, 因后者錢銀有限, 所以無把握就唔抽, 亦因白表往來費時, 反而沽得好價, 兩加以后贏鬼哂. 所以亂咁去抽都唔係路, 連招股都唔想睇就限吓碼啦, 唔係就抽到一褲咁嚟去輸. 反過嚟講, 有潛質既既然派得不多, 就要分飛盡量抽, 唔駛我教呱, 而食個時唔好咁擒青, 要等個勢話畀你知邊樹走.

衰咗咁多次, 要搞到倒輸咁羞家, 怕要微調一下手法:

- 明知係圾垃同無水位就唔駛抽, 唔好為抽而抽, 吸毒畀鬼迷嗎;
- 想參與吓既就抽四五手撞吓手神算, 通常都有一手既; 但有時如華東垃圾個啲抽三手都可以派兩手, 唔知好笑定嬲好, 輸咗咪知;
- 有潛質個啲要盡量抽, 但不鼓勵孖展去抽, 超出自己財力最尾點都要還鋪勁; 其實用有限銀兩去分飛, 抽出嚟既效果係差唔多, 就算遇到全派都唔駛揾錢嚟填穵;
- 無論點有信心一定要開市前落定止蝕盤, 癈事臨門撻Q. 試過咁多唔同落法, 最穩陣就應係招股價加一巴仙位個度高啲. 如果開市無耐就撻到附近, 個啲孖展客都要開始斬緊, 啲托咁無力, 唔通仲要咁傻仔去加注, 自動走好過, 好過哂神. 試過懶有信心擺係招股價下面一格, 死得仲慘, 穿咗啲沽壓排山倒海, 仲要用市價輸多幾格. 平手當哂神啫, 輸就呻笨;
- 如黑仔一開就破發, 咁第一日點都要揾位走, 唔好諗會唔會彈得返上去, 機會太少唔值得博, 輸硬九成. 經驗通常都唔會低過廿巴仙, 所以開得太肉酸, 可以忍一忍, 將限價走貨盤放高啲去走, 反正實有人去博上去, 輸少幾個巴仙應不太難. 但緊記破發一定要即日走;
- 如果捱到第一朝似模似樣, 咁就要睇清楚盤路係咪有得谷上去; 記低最低做價做止賺, 調整唔破既話就酌量加注, 直至自動止賺為止. 咁樣做可能得個桔或仲要輸少少, 但賺上嚟一隻已可頂廿三十隻, 計落大有著數; 照經驗止賺后通常要調多兩三日, 如低位移番向上又可以再炒過, 直至一浪高過一浪之勢完為止, 嗰時已賺飽囉.

拆倉

歐元由 1.5x 跌回 1.43 中, 澳仔亦回到 6.9 跗近, 星期中見到中移動死猫彈, 而其他大股係度插, 就知道對沖倉有跌序拆倉, 市場已預備緊退市逐步收緊. 今次跌到幾多, 連日都有人問可以買得未, 通常都話可以既就慢慢嚟入. 大形勢花旗而家仲療緊傷, 除非失業率低過七先落得手去加息, 咁即係下年中之前都成唔到事. 上高炒高咗個市, 都唔想佢咁快去縮, 唯有出吓口術降吓温, 但東强西弱個勢怕且幾難改得到, 資金亦都唔會咁易放手, 無論係自家定係印出嚟既. 所以筆者認為今次應調不到牛熊線, 全世界都知既係咪大調既籍口呢. 如果你成身都係貨, 不嬲都勸要留番啲茄薯做轉身, 但未買夠既就唔好再錯失機會去吸嘢, 反正先前仲未狼死到大叫三萬二 gogogo 住.

技術上五十天線已破, 一百天都危危乎,但係睇番自己個倉今年都係得啖笑, 都廢事諗點去食呢啲波幅囉. 唔係話無得賺, 但低位没有充份利用, 錯失超靚位全力去溝, 反而一路升一路唔情願咁追, 想跑嬴大市有乜可能. 所以而家心態唔係再去諗金錢上賺多幾多, 而係諗今次點去食好呢個浪, 所以早預咗一路畀人派番. 如今次真係牛一尾中期調整, 咁怕且要硬食廿個巴仙以上, 但同樣嚟講亦可以利用此去減低持貨成本, 以畀追得貼大市多一啲, 這於筆者來說已是十分值得, 相比於賬面上之增減.

旁人或說今次可能係雙底衰退,咁死溝怕且十年都要輸. 但信號咁强都唔信係牛, 仲要日驚夜驚, 再唔係就去限注去賭囉. 如黑仔真係雙底, 技術上都會有一番掙扎, 好似零七年尾咁調法都有位出局, 你肯走點都有位你走,爭在有冇決心走而已. 未仆到已猶疑, 仲講乜鬼長線投資, 連坐多一季既耐性都無.

同舟

又幫朋友開獅王理財戶口, 友人剛録好音被分類做平衡型投資者, 多口問叧一個投資顧問有無 eli 賣, 條友仔一路吹一路反眼白, 叫隔離嗰個第日即去再做評估, 好升呢幫佢接 eli, 無辦法唔喝停之, 無咁擒青呱. 其實啲所謂問卷問嚟問去, 如憨憨咁答咪直落佢地窠臼, 咁佢地買乜中咗咪唔怪佢事囉.

而家理財啲顧問全靠銷售佣金維皮, 想唔 sell 啲高風險同啲毒都幾難矣. 睇番二三十年代銀行信托業都係以審慎理財為頶的, 而唔係死炒或猛咁將啲產品去轉, 而當時亦是以資產值大少收費. 基金公司當然想推自家產品, 但啲回佣可以立例只過畀客戶戶口, 而唔係去誘導啲中介人去 sell 賭.所以政府應立例中介理財只應以資產值去主要收費 (例如一巴仙或低啲), 啲顧問主要責任係建議或幫助客戶,因應各人風險承受能力及需要而作出審慎資產既調配. 中介表現費應限制低於主要費用四份之一以下, 以避免高風險誘因. 如果炸爆咗個客, 亦等於斷自己米路, 唔同舟都唔得囉.此等建議當然會乞好多人憎, 但幫大袋賺多啲緊要, 定係為民制產緊要啲呢?

咁嗰啲高風險投資者, 要自己主動聯絡各基金公司或投行去攞資料研究, 或直接自己操盤囉. 好過畀人昆同呃呱, 反正都無乜賺過.

通信

論譠日日駡中移加中國通信 (552), 都唔知幾時先識郁, 仲要陰陰跌. 本人喜燒冷灶,唯有慢慢加注逐漸入等買平啲.

下游直銷散仔電話咭, 不如做上游服務好過, 通常賣鏟既都好賺過掘金嗰啲呱. 如本錢有限當然沽移動換通信啦, 筆者仲有茄薯, 咁就今日開始慢慢買通信, 反正係低位度磨緊, 現正處於上市日收市附近, 唔係話一定係底, 但起碼係大位囉.

而家 PE 大概 15.5 左右, 今后年增長當係 17 或 33 既平均既話, 即係 25,咁計落現價 4.0X應有六十多巴仙水位升, 之后才算合理. 起果 3G 無咁快呱, 玩個三四年都有排玩呱.

基本

友人鐘意炒股仔, 今年初重傷至今仲未復元. 細問之下, 唔係從未膁過, 只不過烏吓烏吓將賺咗廿三十嗰啲嘔突番出嚟, 仲要重傷添. 佢啲經紀都話佢咁炒法, 似乎啱炒藍籌多啲囉.

自己炒新股同波幅, 有時都斬唔落手. 見食少咁多, 緊係覺得唔抵, 到止賺咪等多陣, 咁又直插落去囉, 嗰時仲揼心. 但細諗, 有得賺, 仲好過倒蝕呱, 唔輸實係投機第一要務, 輸鋪勁贏幾多鋪細都爭唔番. 所以而家一去炒既話, 一落完盤就一定同時落番個止賺(蝕)盤先, 電腦唔會有感情猶疑, 佢斬完你都未覺, 插落嚟差不多一定做到, 除非早上開盤 ao 勁拋離原先止嗰個位啫.

擧最近炒新股龍湖做例子, 最近幾日做價如下:

日期	開市	最高	最低	收市	成交量	調整收市價*
2009-12-02	8.08	8.46	8.08	8.40	24,202,000	8.40
2009-12-01	7.96	8.05	7.87	8.00	12,337,500	8.00
2009-11-30	7.90	8.07	7.86	8.00	20,842,100	8.00
2009-11-27	7.70	7.84	7.57	7.71	30,536,500	7.71
2009-11-26	8.15	8.17	7.83	7.92	43,846,200	7.92
2009-11-25	8.31	8.33	8.08	8.15	37,008,000	8.15
2009-11-24	8.06	8.48	8.00	8.35	54,807,000	8.35
2009-11-23	8.08	8.26	7.98	8.06	26,871,400	8.06
2009-11-20	7.95	8.37	7.83	8.10	102,219,400	8.10
2009-11-19	7.20	8.19	7.20	8.01	561,915,300	8.01

如以每一日最低價做止賺既話, 那麼之后每日既止賺盤咪係 7.2, 7.83, 7.98, 8.00 同 8.08, 係廿六日最低做過 7.83, 即係一定掃過止賺盤, 所以自動於 8.08 或附近完成交易, 最麻煩地方就係每日收市要重新改止盤, 但咁既麻煩都唔錯呱. 現實中被上次 845 所大, 其實己於 ao 盤 7.2 沽清, 所以紀律遵守至為緊要.

如果炒股真係賺得超勁, 就將賺到既 1/3 做止賺位, 穿咗都怕且有陣調, 唔買番再彈上都賺夠啦, 唔好諗住賺哂全世界先喎.

百萬倉 - 觀望

唔郁就係唔肯郁, 雖則計過超哂值, 但埋單點都要圍吓數, 唯有沽去和黄, 轉入比較有把握中石化, 横豎資源股唔多夠. 注碼太小, 不如唔好賭, 就將偏重花旗金融股勻啲去細細粒囉.

呢兩日大市跌破五十天線, 昨週五爭啲穿埋一百天線, 三月升市已來首見, 不可不防. 上日跌得咁勁, 循例都要買啲守吓門口. 今日睇緊五十天線 21900 附近穿唔到, 畀番食反彈嗰啲出去. 明日企得穩咪買番, 差價當買些少保險費, 演習點都要做啲既, 唔係睇信號嚟做乜. 如再跌就忍一陣博好啲價逐級溝, 好過十上十落咁反覆.

新股龍源睇落定價算貴, 但明后兩年預計有七十多巴儿增長, 而家買緊四十幾倍, 以 peg 一對一嚟睇最多可食一半, 當然此等估值上年整死咗幾多無人知, 但短期都怕且啲經理都信住先, 唔係點去估值喎. 派到九十九似乎無乜可能, 啲人縮仲易抽得多添, 本人就分幾張細飛, 避免被迫爆, 另一方面又保證派得足夠多, 去炒.

笑話

股神係次會議后撞到索羅斯, 問佢呢排有乜發逹大計.
索: 發債最好揾,
股: 咁又係, 啲息咁鬼低, 但長得濟邊會有盲毛落嗒,
索: 靜靜雞話你知, 無限滾存, 零息, terms 亂嗡都可以既真係有喎,
股: 邊樹先, 咁筍,
索: 咪係搞到我一頸血個度囉, 九七既可以拖到零五, 零五既又賴到一二, 一二又拖到一七,一七又可以話循序漸還, 仲話要乜乜先, 呢啲先至係無限復活.
股: 可惜我無咁厚面皮, 又唔可以呃自己係老人痴呆.

人在中環: 賭運

人在中環: 賭運

燃料

最近瀏覽投機心法及投機策略兩書, 循例都教人記住記住要落止蝕盤, 同落場前要紀律性死跟已釐定計劃, 唔係實死硬. 反而一點比較有新意, 就係點解要去投機先, 即係乜動機. 要知道個個都話要玩鋪勁, 但有啲竟然有恐懼成功症, 有啲係用嚟解賭癮, 有啲係當係做愛, 各適其式. 用嚟打機當然無問題, 但成功率咁低, 啲錢又咁難揾, 財散家破可不大好玩.

動機有高有低, 但最緊要誠, 鄙不鄙反而其次. 口中話要用嚟做慈善, 當然不會面誹之, 但輸到要典床典席, 便知個心點捨得. 猶如起樓, 先立好根本, 穩打穩扎一步步起上去, 卑亦可變高. 要買樓生仔結婚, 條數清清楚楚寫低, 初頭睇似遙遠, 但照計劃逐步做必能做到,通常仲快過先前既預期. 股票只是投資工具之一, 有啲買樓收租又得, 玩石頭又得. 計劃應計到最差時點去開反交租, 無人成世好運呱, 點樣去安撫情緒就要成熟啲去睇.

好似網友話齋, 啲阿伯矇吓矇吓買中人壽嚟收息反而賺得超多過啲炒出炒入. 炒個啲開頭都諗投資呱. 當然我呢半個賭仔唔係反對去賭, 你可以將投機納入計劃之內, 但要有其限度而不是日日去估市, 喧賓咁奪主.

筆者可不會認為人人可以成聖,但真係一日反正賺多個零都當是打機的話, 基本或至稍豪生活都過得起既時候,回贈啲返社會都無所謂啦, 輸嗰時咪可以守耐啲囉, 反正最后用的很大可能不是你, 死都要攬住啲虛係咪有啲痴呢.

人在中環: 賭徒

人在中環: 賭徒

有機會成人, 已經賭贏咗第一鋪, 人生點唔會唔係賭呢.

大部份人都認為賭係衰嘢, 但呢個唔係選擇既問題, 根本就係無得揀, 局住就係要你去賭. ok, 二千年 it 好景, 個個大學就湧去讀電腦, 咁圍住去大算唔算係賭先. 有啲人成世死慳死抵, 拎哂去買債收息, 點住原來係賭得仲大, 輸得超大, 嚇個半死. 如不知每一個選擇都係一賭, 唔諗吓點平衡風險, 只知逃避承擔選擇既責任, 咁真係幾危矣.

市賬

國浩慢慢吸東亞至八巴仙, 進可攻退可守, 亦可見香江金融樞杻之要. 而家東亞市賬 1.6,香江中小銀行市賬率排列如下:

349   1.68 (可見將來整合於工商中國);
2356  1.26
440   1.16
1111  1.09
636   0.90
626   0.76

可於折價買入只剩 636 及 626, 雖則 1111 創興分行多啲,收購動機會大啲. 用呢三隻做個待收購組合, 應有四五成可食既.

回看 xlf 平均市賬率市只逹 1.00 只, 加時猶疑看吓入面有乜死既都唔見咗, 剩低個啲都怕且死唔去呱. 比較資源股市脹率亦是主要參考數.

百萬倉 - 來了

今個星期跌足三日接近千四點, 提醒散仔知道調上嚟有幾急, 每一掂五十天線呢半年必彈上去.但個個苦口婆心勸吿, 即大家未入夠貨.但都諗自己亦常係明燈一盞, 都唔好咁老定, 雖則可入既都已入囇, 再入就係博大霧,用哂現金就企定定囉.

倉內金融股實在太多, 本想掦走宏利算. 但整體進取性不夠, 雖則係既插上嚟都幾痛, 但唔博買股嚟做乜呢. 所以沽出中銀, 換入內消中旅同未升夠美金融股基金, 遲啲再睇吓點去整勻啲. 如無意外, 會盡量用少過十隻股嚟組合投資, 加一隻前先沽一隻.

而家中美數據參差放出, 多屬利好, 但專家仲係睇淡居多, 睇后多過向前,好都係暫時好而已, 遲早跌過. 但經上年兩次跌, 仲揸得既都相對比較强; 不能說再没有反覆, 但心中已演習多次同大家已有底, 所以情况都是日趨好為主. 所以本人認為今次調極都不會破牛熊向上之勢. 以現家盈富收市 21.85 同牛熊位 16.97, 一路調平均入就可攞到價為 19.41, 同而家爭 12% 左右, 所以食波幅就不太夠, 或要極强忍功. 如而家你仲係大把現金, 要好好利用跟住一兩季囉, 升上去都係風險, 而家知啦. 想轉到身, 留番兩三成現金, 一路彈一路追囉.

觀察

華能 (902) 星期中一洗頹風, 某日竟入十大成交榜,顯示散仔要追同沽空補貨. 網上討論到此是否阿伯可揸之股, 啲人話利錢又低, 債又兩倍於股本,賭贏係好運, 輸就扺死. 話一隻嘢只有好, 没有壞, 怕且無乜可能. 如只諗好嗰邊, 唔去聴吓有咪壞, 係咪有啲傻同危呢.但以前一聴都會動搖初衷, 但而家一動不如一靜, 起碼注碼只去一半, 已有第一層保險絲, 輸極都有數可圍, 怕且仲可以溝吓添.

美金日跌, 中港資產泡沫遲早爆鋪勁,香江地產今個星期點爆不用多贅. 但行街見到各色遊客, 包括埋東南亞人仕,比起一季前多約一倍, 亦有可能先前海嘯跌得太多. 先前己落注酒店股,最近升市查看仲有乜中資股未升,中旅 (0308) 未大升住仲有水位, 債無幾多,盈利大跌都係數字遊戲而已. 可以諗吓, 今星期已入第一注, 有好位會再加.

睇報紙話南華早報 (583) 人工海嘯減后回復舊觀, 雖則主炒資產重組, 但唔駛蝕點都好過每日倒錢. 琴日仲可以 1.3x 頭買, 今日已彈到 1.4x, 觀察再加少少想像力已可食少少既.

下流

特首被啲律師中女問到話中產連港島樓都買唔起, 係唔係有啲搞錯呢? 網上又講到向上流已無望, 老屎忽阻住三四代上位, 講嚟講去都係個爭字.

九十年代起都知香江產業已趨空洞化, 如果搭唔到公務員尾班車, 係外面無增長下又點吸納到愈嚟愈多既大學畢業生呢. 再加上九七后各個風暴, 啲所謂中產裁裁吓都變哂下流啦. 上邊仲可以行到八九個增長, 睇番日本有同樣現象, 就不足奇了.

係一個比較成熟既體系裏, 階級係會慢慢形成既. 此所特首仔女親家唔會 mk, 法官個仔多啲人求情都唔駛坐監咁囉. 門弟既已成形, 普通人怕且只有几個出路.

醒目既要多付出多倍努力, 去到黄仁龍同馬局長咁 level 仲有啲希望既, 想考好啲就話想做 ao 發夢無咁早呱. 唔係就諗吓點係夾縫裏茁壯自己, 地產吸血鬼食哂你啲盈利呀, 咪寫吓手機程式博大霧囉, 靚仔靚女啲咪做吓財演賺吓快錢, 咁又得. 但以上食腦太多, 位置太少,怕且唔係解到几多渴.

而家興乜就做乜, 政府都係咁啦, 好似二千年就做 it, 零三年就搞零售,前年就讀中醫, 今年咪做地產經紀去囉, 就好似游牧民族咁見乜咪搶乜, 好過餓死呱. 再唔係做吓富豪啲管家或者清客, 做吓物業管理或者賣吓毒債攞回增.消極啲咪退隱江湖, 當然前提係唔駛去執紙皮啦. 諗落都几悲吓.

遙想到以前咁鬼封建考吓八股都可以分享治國權柄,小民南獠都可以坐而論道, 而家揸住支槍或者收緊你租啲人, 壓住順民成世既係咪合理同必然呢?

滴汗

友人想買番啲港美債券或者嗰啲債券基金, 咪同佢約咗個經理吹吓水囉. 入到去當然金碧輝煌,熱茶款款送過來啦.

都預咗實介紹啲比較高回報嗰啲架啦, 當然係俾 sales 佣嗰啲. 但真係估唔到而家仲夠胆死推介啲疑似毒債, 唔係話佢仲打包緊結溝性票據, 而係入面嗰啲所謂債真係幾危囉. 打個譬喻, 1/4 係絲苗白米, 再溝 1/4 米糠, 后加 1/2 化學米煲俾你食, 話平均都食你唔死, 仲有啲營養添. 一路聽真係有滴汗既感覺, 好似入咗盤絲洞一樣, 隔離嗰個仲點緊頭, 都唔知點去搭嗲好. 心諗, 咁荀, 不如將貴行啲存款大部份投資係呢啲阿根庭呀, 委內瑞拉呀, 等等既債券去套息咪好和味, 仲駛乜 sell 嘢呢.

五六厘當然吸引,但債券投資與其說為增益,主打都係唔想蝕俾通脹姐,息多息少反而其次, 計都要計條總數啦, 唔係就好似啲雷曼債收咗幾年高息咪一鋪俾番佢囉. 網上能夠買到一啲美國短期美國國債 etf, 年總回報兩至四厘, 用嚟守都唔好要求咁多囉.基金本身要補番入面啲債, 而且受美息影響, 係將升既情况下短點都好過長, 調上嚟怕唔會過十巴仙呱.

如果啲債用外幣做結算, 咁就唔係買緊債, 而係買緊外幣囉.

無賴

睇番中央結算月結單,申請新股過數都要扣水, 仲揾笨過艇仔. 今次幫老媽子申請 845,雖則出師不利, 但用繳費靈唔駛 check 户口名稱出入, 中又易啲,更慳番使費.網上能登記 eipo 户口免重複填資料, 唔好好利用係咪哂啲呢.

有網友上星期仲担心緊抽唔到 ipo 啲飛,銀行艇仔又唔俾抽飛, 七上八落. 其實銀行有提供 void支票服務, 肯俾數填吓表就得. 再無賴咪唔入數或將扣數户口啲錢調哂, 咪申請唔到囉. 要知道此等行為唔係唔合法, 其他方法亦如是. 股神通知香江監管都用平郵迂迴十幾日去慢慢沽, 投機講明係詭道, 咁老實係咪傻啲呢. 再進一步嚟講, 你唔爭取, 係唔會有人真正會 serve 你既.

有網友做廠, 話緊九月接到大單要趕工, 怕且電力股港口股可以追吓落后囉.

對稱

845 一開市 3.5 尾附近, 計落應該無咁弱, 雖則大市冧緊, 忍一忍先. 手邊咁多手, 有懷疑, 通常先沽一半減低風險先. 未幾升升吓, 於 3.6x - 3.7x 先沽一半. 午前最高 3.81, 諗前幾日咁肉酸嗰啲都升多四五巴仙 mark 價, 估計應去到減十嗰個位附近, 食反前 set 3.85 后行街去, 兩點八九承咗, 最高去到 3.91, 收市 3.76.

沽之前見有網友話呢隻係好嘢, 睇四蚊去得番招股價可以慢慢買. 自己見佢個勢又唔係咁差, 係唔係可以等等呢. 但先前抽到一手兩手就手起刀落, 今次猶疑就因為揸得多得濟. 賭就係賭, 唔通即刻拎起本招股書去研究投資嗎. 古人都講過先求勝才求戰, 衰咗仲求乜鬼戰, 有秩序撤退才是緊要, 加注就更加唔駛諗, 愈陷愈深嗰時咪仲尷尬.

先前都講過, 正既派唔多或根本抽唔到, 獲利微不足道; 衰既就派到十至廿三十巴仙, 滿手蝕到眼坦坦. 不要提證券行留貨自肥, 截飛前有乜大户抽飛落幾多注散仔都唔會知呱. 咁似黑箱作業, 即係贏既就少少, 輸既就多多, 亂咁賭遲早清枱. 最簡單應付方法就係揀筍既先落相對大注, 雖然贏唔得多, 但跟莊大注點都撈得多少少, 破發亦能守耐啲, 最衰咪長揸囉, 同佢鬥長命. 無把握既咪唔抽慳番啲心力, 或落兩三注解吓賭癮咪算囉, 止蝕都無咁痛. 莫息當然無奈, 但世間無焗賭, 亂咁賭實輸.

再推論落去, 投行銀行有毒債估價, 外邊散仔知無, 爆緊仲 sell 緊俾你. 買公司債剩係可以賣俾銀行, 銀行就能夠以好價賣俾其他大行或者其他散仔. 如果你賭緊個局啲對手知得多過你, 或者你要讓半臂同佢雙手雙腳打, 就要小心囉. 想減低銀行風險, 減人工不如將所有收埋既衍生標準化去上版等價錢講俾你聽好過囉.

百萬倉-破發

大市升又升唔上, 跌又跌不破, 消息時好時壞, 雖則大都睇淡啲起碼回一回先, 照咁睇路紙似乎仲有得去, 高追就預留啲嚟守囉. 資金有啲似强弩之末, 向上如真係做雙頂怕要調遠啲囉.

惠理炒預期, 細股人氣散咗都幾難守, 拎嚟投資要細注碼睇位加, 未到引爆點住. 宏利跑輸保險指數, 經上年一役仲點會同股票談情, 要計吓數.

呢排隻隻新股都破發, 十就係起碼, 廿三十亦時見. 孖既隨時抽到五或竟至十以上, 用十萬到五十萬去抽會派到五萬至五十萬新股實貨或至以上搞到去補水, 咁既驚喜又點唔會急急去沽. 可見啲公司餓狗搶屎, 都癈事再炒高去批, mark 高即刻去還債填氹好過, 都唔駛理之后有冇人落嗒囉.

本人有幸全中所有最近潛水王, 匹克同華南城已差不多全殲咗條唯一有得賺既金魚, 最后被焜既恆盛仲派到歴史記録咁多手, 抽咁耐都未試過咁惡劣, 搞到要狠狠倒蝕出去. 呢一堂真係幾貴, 講明呢個世界真係無 easy 錢同必賺既嘢, 要賭都要做吓功課, 揀啲有把握既先嚟賭, 連中投都中招名人效應怕且都只不過是引人落嗒工具. 如果上咗市你都一定唔會買既, 用實銀甚至孖展去抽係咪危啲呢, 心中無個底點去炒, 狠心止蝕真係幾痛.

時

古人以日夜計時, 再延一年循環做結. 古代數百年如一, 所以有啲古人想時間只轉圈而已, 重複舊事姐. 度吓度吓, 以水漏計日有長有短, 用機械鐘計則又準啲, 而家就用到原子鐘咁話.

現實所見之鐘有一定程度同步性, 但落到而家最準嗰啲鐘過咗某千年亦無可能報緊同一個數, 咁只有假定宇宙有一個勻速既鐘, 宇宙每一點都有效, 時間就好似流水一樣流過所有事, 而對之有所作用, 其他鐘既同步性假設才有立足處. 以上為經典物理學對時間之說. 通常絶對呢樣嘢, 都只不過一種懶惰既假設或者對完美的一種執着而已.

相對論已證明唔同運動或重力狀態下既參考系統 (以叧一個嚟睇) 既時間變動速度都會不同, 所以絶對既鐘不會存在, 亦不需要. 只能說於每一個參考系統的鐘都是有效的 (即附合物理定律), 而各個參考系統亦可以轉換且都是等價的, 雖則講緊既好像不同.

咁縮到去一個參考系統裏, 咁到底時間係乜呢? 設想一個不老既觀察者封閉係一個密封既鐵箱入面, 牆上掛住一個時分秒鐘, 一路觀察住. 如果佢有記憶既話, 佢就會得出結論話世界是死寂的, 只有一種"時間" 既嘢來回伸縮, 將個鐘同自己記憶撥完一次又一次而已. 如果連個鐘都無, 個觀察者只意識到自己, 根本無需要假定時間既存在. 如果嗰個觀者係無記憶既話, 時間更加無從說起.

所以時間只存在於有記憶觀察者能觀運動中, 於神眼中時間只不過三維一樣可以前后穿越, 無所謂進行式. 如果一個心靈用星跟星距離做時間刻度, 到一日如宇宙再嚟縮番, 時間咪調轉番行囉; 全部縮番去奇點, 仲有乜鬼時間呢?

空

有實體之空, 抑只有衍生之空而已? 如謂實, 無物已可獨立於天地, 即是何所指? 又有何用?

說宇宙之外有一大空, 既然無物無光, 無物可載, 又怎算係空? 跟問起點前之時間一樣, 根本就不對題或無得答. 如果說可載為空既第一性, 可調轉嚟講空為所見物之第一假定而已. 話 a 君存在於某空間, 同等地即用某數把間尺叠埋去度姐, 就算用光束去度, 也只不過用另一種物光子去砌條數而已. 把間尺有時長, 有時短 (調較只不過跟另一物比較而已, 推論一樣), 光子撞歪走樣避免唔到, 唔通空間咁客觀咁就法上法落. 所以與其說空係實, 不如認清空只是物既另一面. 如果嗰道有空, 咁嗰道必有物, 無所謂絶對既空.

見到前面夠蛋糕, 好似唔點郁, 宏觀上都當啱既. 但微觀咁睇, 只不過概然地係呢到姐, 唔排除佢某一刻佢會係隔離房閃一閃, 係微觀世界呢個現像會更明顯. 所以每個物都會產生一夠雲狀物, 愈遠愈稀, 空就係各雲重叠而成, 矇矇鬆鬆郤內裏有物, 當然有啲空會比較實呱.

抽資

剛傾吓幾時班水, 吹吹吓就即喱了, 今年啲節奏就係咁快, 仲未慣? 一個消息可睇成正又得, 負又得, 如果唔係企得穩, 支拐杖又點拎得走喎. 所以遲啲真係加番息, 我都仍認為係利好架, 但短線借勢調整就點都要受啲. 如果仲要加啲新既 plan 嚟救亡, 咪仲驚.

個個話而家美紙做咗第二隻日元, 長期睇淡, 直沽可也. 但日元受制於人, 花旗第一霸權點諗先至係真. 如直線死哂, 揾鬼買入去喳嚤; 再加輸入通脹, 點向國民交代, 無端端又多夠魚. 而且又開始抽水, 加番啲息口留吓啲散仔點都要做吓門面呱, 所以中長期美息長期低過日元怕且無乜可能. 雖則長期陰陰跌去賴債引資, 但挾淡倉必然幾個月喱番一次, 係沽真係唔好哂冷沽, 要等好位慢慢嚟做嘢. 商品用嚟代美紙儲嘢, 穩過玩外幣呱, 睇嚟睇去啲錢都係虛虛地.

斷估-牛市

用咗兩個月, 今日終於突破中位 21192 点高收, 技術上已肯定喱次係牛一, 而唔係熊二反彈. 所以而家唔係除非出現强力反證, 即係大大跌破牛熊為止. 咁樣分析啲人怕且都覺得幾兒嬉, 但咁多信號都唔信, 都無乜好講了. 其實萬物都可歸於數, 自己都覺得神秘架.

坊間都知牛市中每逢調整應係吸嘢, 熊就反轉趁高減持. 但睇上次牛一過萬三后到頂只去到萬四就跟住急調回牛熊, 中間回旋只七八個而已. 而家牛熊萬六左右, 現距三十三個, 不能說没有壓力, 所以明天直調都不出奇. 波幅唔係話唔可以食, 但以炒股既技巧去限制住回調風險似乎穩啲, 例如本人已接近風險上限, 驚但又想食向上既波幅, 咁就每個新加既注咪即刻落番個止蝕盤先囉, 臨場做只怕猶疑累事. 如真係扑中, 就每天將止蝕推高便可, 可能唔好彩一入即輸, 但想贏点都要俾少少代價 呱. 如而家你滿手茄薯, 咁樣炒向上回報点都好過抽新股既. 21192 要睇實啲, 破番九成嚟了.

如果調調吓炒個啲都止得七七八八, 咁長期喳嗰啲都可以沽番少少出嚟, 假定彈嚟彈去都破唔到第一個止蝕位. 以炒既信號應更能捉到中期調回牛熊呱, 唔係跟住幾年都幾難追得番大市囉.

如唔想咁博, 就等兩萬樓下牛熊附近盡量買囉, 怕且係最后機會囉, 中間咪抽下新股, 有貨咪沽下 cover call option 收下 pace 囉, 下年第一季前都做唒呱.

日元

日元係咁升, 旋踵已近九十. 以前股市通常跌個不亦樂乎, 但金市又升, 乜都升, 唯一肯定就係各人係到掟緊美紙, 通脹之勢可能比預想中嚟得更快.

傳聞頗多投資者已入緊花旗樓市啲貨尾, 而家賺埋滙水, 樓市可能更快觸底. 但如若惡性通脹, 股市遲早亦會泱及池魚, 記住通脹升會帶動低 pe 囉. 似乎資源股同樓市相関股可以諗多啲.

爭分

有啲人話要絶對回報, 但跑得貼大市已超難, 何況仲要跑贏十幾个, 話要每年回報要近三十巴仙, 發夢無咁早呱.

就算每年跑贏少少, 積番十幾廿年就幾倍, 看似無可能, 但有人做到, 亦無需妄自菲薄, 事在人為而已.

傳統揀十零廿隻價值或者增長股全倉不理市高市低, 定期檢討, 就話能自動跑贏大市. 此法九成基金經理自己都做唔喱, 叫散仔去搞掂係咪無可能呢. 咁個結論必係揀股不如揀基金經理好過, 但之前有咗个臭豆腐, track records 太好都好似幾危. 嗰遊戲就喺十个爛橙揀个好既, 仲要保證佢跟住廿年要保持新鮮多汁, 都有少少似一啲神話囉, 懶啲既試吓揀幾件過咗四五年既分散吓, 但都要一路監察住呱. 如減去使費仲低過大市總回報, 咁平均買指數基金好過了.

理性來講投資者應瞓身買股嚟食哂長線增長, 雖則無乜邊个做得到, 包括埋股神在內. 但假定一个投資者唔去估市咁去全面持股, 長期嚟講佢應享有大市平均既回報. 但有時大市真喺顛得太離譜, 去到跟大勢爭四五十个甚或以上, 咁唔食係咪哂啲呢. 就算套現后仲要向上要一年內附近位入番機會都頗大, 因大勢唔會升得一樣快. 假定能食一半三十巴仙, 即能從調整中能跑贏大市 15%. 此等機會兩三年應有一次, 咁即係每年賺多五六个, 都唔好話唔爽. 難處係大市調整最深時能全部補回, 但做得哂前兩步都唔係阿嬋啦. 食唔到就次第補回囉, 貨太少就唔好亂食囉, 呢半年見唔少啦.

有現金係手要跑贏, 現金回報就要跑贏大市啦, 方法不離投機、套戥、及另類投資. 投機細細地玩影響不大, 玩大咗輸鋪勁可不易翻身, check 吓自己記録跑唔跑得贏先. 套戥於不同市場機會不多回報亦不大, 主機會都係賺合併前后價或賺資產及其衍生間價差, 后一種太專業怕且不會用囉, 前一種歷史回報高於大市, 但要記住大師都要用啲槓桿, 下次除 ipo外應會落吓注講吓. 另類投資 (對沖基金、林業 ...) 大都跑輸大市, 其最大作用係其不同步於大市, 當係張七八厘既債券怕近磅啲.

百萬倉-鐘擺

花旗發力追上, a 場郤急速調整, 香江正處冰火兩重天. 啲人話牛去熊來, 係都話熊二反彈完結似合理啲.

估計調整剛開始, 但換馬月尾做跟等靚位做長期所差無幾, 即做好過無做. 如係牛一走勢連中位都未破, 係既話就怕且未到中期頂住. 睇牛熊已由向下變冉冉向上, 自上年初屈向下第一次. 要知道大市猶如鐘擺, 而家係由要由剛到既合理擺到貴嗰邊, 講合理就要再等萬二下囉. 唔係話今次食硬, 但个勢七八成要向上, 去賭点可以包生仔先, 咁大个局蟹咗都無怨囉.

相

上 fb 一大樂趣就係睇下有乜新既相, 八卦下. 有啲乜鬼垃圾都放哂入面, 又有啲話要 re-touch 過先見得下人, 都唔知係影野定係畫緊野囉.

用數碼機影低幅相, 原汁原味咁就係唔係真呢? 只影到條女, 漏咗个男, 啲人怕且覺得唔夠真呱. 推而廣之, 係咪要攝哂全宇宙先算真呢. 所以所謂真只是某範圍既真而已, 大驚小怪, 都啱黑白邏輯既.

進一步, 用濾鏡將个天變藍啲咁算唔算原先既藍先? 塊面有粒暗瘡, 捽甩佢咁怕都唔係真呱. 但過咗幾十年假既都共認為係真囉, 眾人記憶怕且都如是. 調轉嚟諗, 如此人已亡, 点推論怕且分唔到邊張真邊張假呱, 懷疑始終都係得个疑字. 同一幅相假既可變為眾人概然地認為係真, 某記憶消失后反可變為死無对證既真. 記憶既然受願望感情所扭曲, 揾佢做真既驗證係咪危啲. 照堆論記憶愈少或減少之某些事反而變得更真, 不竟應有人操作緊呱.

和黄

睇幅幅圖和黄都跑輸哂大市, 3g 三年又三年已近十年, 長期擁躉怕且死得七七八八. 跟長江旗艦差天拱地, 收窄之期應不遠矣.

本人都間中用下 wifi 上網玩下 facebook 查查電郵, 站又少, 且行過啲就乜都做唔到. 而家成街智能手機, 唔用嚟上網咪好鬼哂. 再加 netbook 急速流行, 可見全球短期內數碼通訊必有爆炸性增長. 前幾年誓神每个下年要 breakeven, 今年郤閃閃縮縮扮蟹, 唔講就怕反似更加近磅囉.

先前係負資產, 但折下折下就十年, 怕且水份所剩無幾了. 正現金流除代表守得穩外, 即係喱夠野真喺可以善價而沽囉, 水浸金山之下呢啲買路錢資產大把人迫住要買. 个時和黄就唔係打折, 要拿溢價囉, 所以下年番一番可不會驚奇喎. 本人現已持有和黄.

XLF

唔駛番睇就知美國金融股呢幾年一定跑輸大市 (s&p 500), 但今年七月已見首次突破, 連沽神都買埋一份, 技術上不可謂不重要. 以前講過金融指數係全球領先指標, 呢幾年領教過点準啦, 信就要信全套呱. 而家斷估跟住花期金融股会跑贏大部份指數, 策略上逢低吸納, 前提當然而家係行緊牛啦, xlf 都係咁講.

做事

做一件事, 容易既可以變難, 難既亦能變易.

如果大方向已啱, 咁即係執行既問題而已. 最易混淆係手段當目的, 忘記初衷, 只糾纏於細節. 每一个主張必有人反對, 如个个應酬, 即係乜都唔駛做啦. 咁就共識下大方向先囉, 怕且都反唔到呱. ok, 既然咁樣唔得, 咁得唔得先, 唔啱, 你地不如講吓点做到先. 磨吓磨吓点都有啲嘢呱, 怕且再無籍口拖落去囉.

去行一个山, 有啲人著住隻拖鞋都爬到上去, 有啲左傾右傾擺哂陣, 虛咗幾年都係得个桔. 與其計吓有幾難, 不如望住大方向, 諗吓点兜路走下一步好過囉.

恐懼

升咗咁多, 又一路加貨, 計計數自己都有啲心虛. 見人地日日咁走, 21200 大关前又行人止步, 都咪話唔驚.

波幅易食, 但通常睇番記録都覺自己傻仔. 跌落去梗係唔会高興, 但仲有現金係手唔係買平啲嚤, 如果而家唔係高到升唔番去. 想大注汁都撈埋, 一升上去又變做傻仔了, 当然不做就賺唔到啲差價啦. 經過呢几年, 真正值得食既真係無几多次, 零四年一次, 零七年尾第二次同埋零八年十月个次囉. 熊市头尾或牛头調整急跌当然食得過, 但十个怕且都無一个食到呱, 其他更小波幅怕且更难食了, 起碼對我係囉. 食到当然开心, 但更多既就係沽過籠, 升番又唔憤氣去買回, 跟住就同市場拜拜囉, 呢几个月見唔少啦.

个市一日未升穿三萬二嚴格嚟講都未算係牛市, 但我就几肯定咁講, 而家全持貨既投資者差不多实跑贏九成以上玩票者(我未做得到), 当然能利用往后調整者梗係醒啲, 但本人上年玩都咁大都只係食到餸头餸尾, 跟住啲波幅都係讓賢好過囉, 反正大部份人既風險胃納應該係提高而唔係去炒, 百萬倉己經做咗示範啦, 正常人都几难接受, 或者覺得只係紙上談兵, 但出面倉不知死咗几多, 自己呃自己同埋順便騙旁人既又几多个, 如果連自己都唔信, 都唔知信邊个好囉.

个啲話要等跌破一萬先買, 佢地真係賺得到嗎? 个時咪又轉睇六七千囉, 食到啲小小小反彈又如何? 怕且咁黑仔开口中最尾都係个啲超蟹頑固者賺得多過呢啲口水尾囉.

百萬倉-分散

百萬倉再次大大跑贏大市, 似乎市況有啲狂. 估頂跟估底一樣難, 唔去估好過. 但無秩序力量洗得七七八八, 調轉去攻似乎贏面高啲. 集中注碼上年仆到直一直, 都係分散注碼好啲.

地產股無哂折讓, 美麗華雖然疏落, 仲有大把水位. 比較香江花旗石油股, 似乎个邊抵買得多囉, 資源股点都買啲睇下門口既. 內地金融賺得咁勁, 分散啲都好應該, 橫掂花旗金融股應剛剛起步, 水位可能多一啲. 要注意美股買賣時間以先一晚收市作準, 實際操作怕且有啲差距.

股價,棉花,與尼羅河密碼

為法國數學家 Benoit Mandelbrot 著, 主研碎形幾何學, 旁及流體力學及現代金融學旁支. 書中道及主流金融學種種基本缺陷, 以及提出現实統計數據以修正金融學基本前提.

主流金融學前提為任何區間各事件為各獨立事項, 簡言之即沒有記憶現象. 形像化就似每次都跟擲公字一樣, 其結果即為 Guassian Distribution (Normal Distribution); 統計下之離散一變為 beta (相对大市升跌幅) 以量度風險及以設計各量化下之投資組合. 其象為一堆細小不一的沙堆, 沙粒有大有小, 但最大的則只大四五倍左右, 要找到石春機會微乎其微, 萬年怕只有一遇.

但实際數據則似乎不只有石春, 甚而有山丘, 道指及期貨百多年數據已爆了十多二十多次鑊, 證明主流前提大大低估重大風險出現頻率及其幅度. 形像化事件是一个於無重力下矇眼箭手隨機 180 度射向前面城牆及統計距離中点長度, 只要某一次极端偏向已可大大改變其平均值, 其分佈為 y= c x^(-r), c and r are constants and greater than zero.

其引伸為主流金融模型通常低估了風險之頻率及幅度, LTCM 同 AIG 爆煲都說億年一遇囉. 而因市場参與者都是有記億及有不同風險取向及时間覌, 所以導致大上大落及有群聚現象. 作者反覆說道回報是不能預計的, 但風險應尽量避免及或然地能預計的. 又因各事件互為影響, 所以某些重要事件位置能影響以后圖表走向, 當然愈向后影響愈少. 不知的話還以為給 TA 做背書喱.

惠理-二

谷哥搜尋功能癈左, 都唔記得自己寫咗啲乜. 但人家喺历史高位放哂啲貨俾散仔, 到而家又想等个幾兩蚊去撈番, 喺唔喺天真啲呢.

惠理而家七八十倍 pe, 以前打死都唔會買. 但呢隻嘢資產喺招牌裏面, 前幾个月食西北風一二巴仙, 个市咁顛佢个爆炸性唔喺碎料. 組合有守有攻, 喱隻未炒起, 希望仲可以買低啲. 呢隻嘢大起大落, 注碼位置自己諗啦.

杜指今个星期尾九千都破埋, 全世界技術上都已向好, 雖則還未肯定經濟增長與否, 但似乎圖表已俾咗答案. 由三萬点跌落嚟就愈買愈低, 到萬四五郤清倉等再低啲買番, 而家又話高得不合理, 跌番先考慮再買過. 同一个價位, 半年內諗法剛好相反, 怕且都喺俾参考高低点所迷惑. 投機最緊要睇調整風險下既值博率. 而家正喺眾人調整想法迷糊之際, 做向上變做蟹当然有風險, 但比起走失隻牛就喺小毛囉. 最后个句, 升緊既就唔駛沽住, 跌番落嚟就沽番俾佢囉, 要諗定自己既撤退計劃嚟控制風險.

斷估-突破

今日終於突破最近黄金反彈 18890, 五十天線假突破己扼哂間呎黨啲貨, 指數向上很大可能觸及中位 21192 点, 一日不跌破 18890 位反覆可炒向上. 其实筆者受持貨比例影響, 跟主流一樣主觀希望能至少調回萬六邊再坐多啲, 漠視一浪高於一浪同從未跌破調整低位既事实, 錯失每次調整吸貨機會.

主觀上今次已七成認定為牛一, 只待破地獄谷 21192 位. 上破就唔會咁碎, 二萬三以上應可去到, 最高二萬六, 到時再計, 開始調諗都未遲, 升到咁高調整目標至少係牛熊線, 怕且嗰時應向上升破萬八未破二萬呱. 如果 21192 真喺破唔到, 就睇緊 18890 囉, 跌破就酌量減持.

以前到牛一頂前焦点都係另類主題, 上次喺零售濠江, 今次怕且喺緑色能源, 其实花旗民主黨主場通常都利科技股, nasdaq 怕都要做啲功課.

平均

几日前跌破五十天線, 以為深度調整來了, 怎知一个屈尾十就升番過千給你看. 既然跌來跌去都跌不到, 無了期等下去也不是了事, 怎都要想个行動計畫出來.

賭得大遇急調整就無得轉身, 反過來不加注扯到二萬一以上又怕變得更尷尬. 為今之計怕且只能適度平均加注, 假定此為牛一, 行了四个月怕且要至少行到下年第一季尾為止, 即還有大概還有六至八个月運行; 每月可加五至十巴仙貨, 直至風險上限為止. 就算黑仔遇正急速回調, 應還有至少三成以上現金來守及再等低位吸貨, 雖然不能全面買到最低, 但現價兩三年后應不算高, 儲一部份蟹貨怎都好過全面錯失迷糊牛一既.

趕錢

昨晚反局談到樓市, 經紀朋友說現比上年初更火爆, 差不多已無盤可推. 問到買家為何買得咁快, 主因是几百萬放在銀行收息实在太少, 不如一炮過買樓收四五厘息好過囉.

另一要点買得最多最勇的都是大陸客, 大陸銀根對香江樓股影響怕且大過想像. 如果信心只靠愈升愈高, 似乎有些支撑不到.

陰謀

外人喱香江食反見个个反前洗碗, o 哂嘴. 日常唸人之性善, 但連身边既都要防, 做出嚟剛剛相反.

而家大陸冧樓又有, 大頭賢石 bb 又有, 防人說大話浪費多少精力. 圣人說做人要誠, 但疑人已自不誠矣. 香江都有啲危, 大陸真唔知从何做起.

道徳基石如何高尚, 但導出散沙一盤, 自私自利, 几千年都喺咁又有何用. 荀子立足剛相反, 統治只用階級和蟹, 性惡口中否定, 但日常暴力已用之. 原意德為人為之度, 因時制宜. 人性物欲之性, 不節制統攝必致生亂. 所以人必日以學日洎德智之性, 日常亦要習禮以內充之.

以前仲有祠堂做吓仪禮, 現在公司要賺又点会講禮, 學校已變职業訓練所, 唔通上吓 internet 或睇电視可以習禮嗎? 習禮又無錢賺咁諗当喺傻仔, 什都向錢看又怎会有遠略.

百萬倉 - 半年結

大市由年初爬升二十八巴仙强, 而家个个等二萬渣都食埋. 回想第一季尾大家等第二浪, 死等穿萬一点, 自己都企定, 怕且到一萬又要退到八千五囉. 个市咁易估仲駛乜返工喎.

錢太多浪又食唔多, 唯有炒新股去. 是否到頂莫宰羊, 但亂咁抽通常有啲不妙.

回看倉內中資跑贏港股, 更跑贏外國金融股, 下次真係跌番知買啲乜啦.

波兒

霸王个廣告甘搞笑, 但食住个資金浪上市, 竟無厘头申請高达几百倍. 初头都猶疑好無抽, 但大注抽, 攞到都怕且都唔会多, 咁混水摸魚又何妨, 肯止蝕就得囉, 又唔喺同佢做人世.

动 L 怕已成經典, 但唔知道喺幫忙定喺幫倒忙. 有啲人滿口淫义道德, 但連抹咀都唔識, 仲要話比人屈, 喱啲就喺真男人囉.

紀律

反局間常被問对后市睇法, 質疑的会反問如咁準為何不早清倉或滿倉食到尽. 此时必然收口, 不是報告何必需要向人解釋, 説了也怕当被帶花园而已.

好似而家睇將会調整, 但是否啱緊, 咁怕且又未必. 如果全沽个市再挾要追又頗尷尬了. 理性來説每个主張都应有存疑地方, 但唔用以行动又諗來何用. 用番前人物理或財務公式, 落注比例应跟機会率成比例. 例如我估今次破二萬机率低过三成, 所以最高持貨不应超过七成. 反之亦睇破萬六大概三至四成左右, 所以持貨亦不应低於四成. 要知道投資不是要十战十胜, 最要緊唔太脫腳. 假如認為股市是謀人寺或持末日論者, 点講都喺無用, 有啲人成世都否定之, 有啲五分鐘就把握到了.

太多人都認為自己能知道个市点走或值多少, 一就喺死等劝人唔好爛賭, 一就喺晒冷賭鋪勁, 但要知道一串長 Q 只要甩轆一次就無得玩囉, 死左个市点升或你点叻你都已完全 out of the game. 不自誇,不貪心及对市場謙卑可是保命符喎.

斷估-唞氣

月初 18889 及 12 號 18890 做左个小反彈双頂, 離上年底部 11015 7875 点. 今次大反彈至小黃金比例而止, 暗示牛一仍然未到或起碼來个大調整先. 1/3 及 1/2 調整為 16265 及 14952, 所以今次怕且要到萬六先. 但大户力托半年結前, 陰陰跌下怕要拖到月尾囉.

回看美市未到九千已腳軟, 喱个反彈頗為無勢. 啲人又重 sell de-coupling 美熊新兴牛, 真喺吾知大花筒吾再駛錢淨靠基建全球点能增長, 話第三季樓價喘定或可, 再重新賺到或再按到似乎太快, 就算六个月后都喺甘話.

但先前双底已成, 啲錢又甘多, 無貨就趁機補番三四成先. 上次 15700 守咗甘耐, 应几强, 年初个位怕且已變上下波幅底, 吾好再墮入要喺最低位先買, 投資短輸有乜所謂, 吾喺最貴就得囉.

交叉

網上股民萬五六清晒倉, 打游撃炒吓三四綫, 七上七落. 但日日睇淡个市連十天線都吾肯破, 心理上睇慣咗就吾覺得高囉, 逐漸改變睇法上望至二萬上牛市已至.

十日內黃金交叉將至, 但先前已大升, 難道又要一口氣升到氣絶為止, 要知道上次牛一都行過成年, 就算喺都怕且無甘快呱. 今次斷估反高潮來个大調整先, 怕且萬六五十天線樓下先.

一点

一無所有

原則

見到个市喺咁升, 今日又跌一跌, 都吾好話吾想沽番啲出嚟. 但回頭一諗, 喱兩年嚟真喺沽既次數又唔喺咁多, 彈上彈落無可避免, 波幅賺得不算多, 但亦唔駛諗住点調轉去沽, 自己技术吾夠用半臂怕且輸得無咁慘, 睇下喱兩个月啲淡友点被夾到上太空便知辛苦了.

上年初点解要沽貨, 估到熊市將撲過嚟, 吾閃都吾得啦. 旁證 817 大上大落, 高過牛熊四五十以上, 甘顛爆煲機會太大, 不避險就危啲囉. 而家沽吾喺吾得, 但經過喱幾年怕且再無人自信能夠做得曬全套. 其實如果無五十个以上沽落嚟食真喺無什作用. 跌落去吾食当然可借, 但比起給大市狠狠拋離点都好啲, 計吓下次如果喺牛頂無貨損失可大大高過而家上落之損失, 除笨怕且有少少精既. 所以今次被派都無辦法, 鬼叫自己未儲夠嚤. 除非个市真喺去到似 817 四成以上咁話, 咁有把握吾食就真喺幾难忍既. 食一半怕且都得既, 食吾到等慢慢上嚟應買得回呱.

百萬倉 - 長息

大市急速爬升, 坊間睇淡空倉得個恨字, 死熊做集結號炮灰的更不用説了.

全球股市升個不亦樂乎, 但債市狂跌更應注意, 十年美息短短一月從 2.6 厘爬升至最高 3.7 厘. 要知道猛印銀紙只為托住樓價僈僈買單, 短息跌到買菠蘿包都買吾到, 但市場投票長息要升, 自己升就話掂姐, 連政府猛㩒都控吾到, 想吾増加斷供都几難囉. 睇圖美市仍困於樓價, 死又死过了, 生又未又有氣, 牛一似乎未有根基住.

今次怕且是大型上落市, 但記住升市莫估頂, 吾食都吾好沽住, 挾到上火星可不太好玩囉.

斷估‧數字

翻看先前斷估篇，真係有点神奇，但沒執行力点準都賺吾到一分‧現神奇數字為 31368 及 11015，衍生中位 21192‧

(21192-11015)*2/3 + 11015 = 17800;

(31368-11015)*1/3 + 11015 = 17800;

看來神奇，但用代數計當然一樣‧上段意思即下區间最高反彈点為 17800点，上破則上番 21192 先，用簡易二萬乜都破了‧以歷史高位計破左一樣要到 21192‧可見此位為大阻力位，甚為關鍵‧破左雖則不一定是牛一，但成數更大，起碼可食波幅‧如係牛一，以經驗應上破 21192 及最高拋離牛熊三十至四十以上，今天牛熊於 17200 附近，即 22360 或 24080 更高‧此后反可安心等調回牛熊以全面入貨‧

坊閒等黄金交叉大升市，雖則 AH 已是‧但以经驗反而是中期急跌信號，15614 亦可再次去到‧回看美日港中市一年圖，美日港似未肯定，而且以歷史來說港市從未於美熊市中牛過， DJ 決定位九千，通常主人帶着狗，狗走得太遠便要勒回來了，輔助亦可看全國发电量，仍未見轉勢‧看圖月尾最遲六月初應有重要突破‧

未滿倉后悔低位入得太少，每想一調即補貨儲多些‧但萬二三任買縮手，萬五六就狂買都幾搞笑‧但一調怕且又縮手，只反映心怯而已‧如而家係牛一，估頂去沽就愚不可及了，沽都等超高先算，不夠貨就要忍手食多些‧如現家乜都無更要追，用價溝吾到，就決心每月買十巴仙趁調整逐漸買吧，反正一步不会到天‧如熊彈再跌過，除非你接近滿倉或瞓吾著要沽一部份，應趁機及至位再以優惠價入貨，反正今次彈已知無貨之苦了，有耐性的話知是走 L 或 W 哩‧

Greed, Fraud & Ignorance

閱讀上述中文版，作者作為貸款公司要員叙述美國次按食物鏈及其不負責任行為，甚至欺瞞及惡意詐騙‧簡單來說即將雞屎拌成雞肉沙律 (從按揭经紀至中介貸款公司)，再變成羊肉扒 (经評級公司及投行打包成 AAA 貸款債劵買給银行、保險公司及投資者)‧

匯豐龐約翰所說神奇軟件即各 Agency 或投行所設計之貸款評審軟件，但前頭輸入是垃圾，后面趕住賺亦不會翻查，反正樓價升便可過骨‧書中舉例零七年 Alt A 優質債短短半年急速惡化，違約率急升至 13.5 巴仙，遠超預期，再加莫錢下樓價下跌，壞賬必增多‧

次按通常頭段極低息引人落㗳，今年應是最多次按户調至正常高息，亦是最差時‧如無估錯，今年底樓價方開始企定‧

信號

升浪一路低水今天变高水，牛熊站得一日就落番，日元又升番，似乎大浪將快過預期‧

2800 今天罕有入十大成交榜，轉手為平時三倍左右‧

忠旺‧２

前文說過 IPO 破招股價已無得炒，何況暗盤開市已破，除非想炒向下‧真係大大破上再諗，有貨的近招股或趁反彈就打靶算囉‧要知道 IPO 是長玩長有，但今次要幾多有幾多，都幾尷尬，切記注碼要計過輸得起，小溝翻船可不是玩兒‧

斷估‧疑牛

淡友網上歛跡，猶如兩月前好友噤声‧持續突破阻力位 15614，亦后抽至上升最近低位萬四中，做足全套，上升極有勢‧一五零二百天線通通破曬，17362 牛熊線必碰到，爭在是否會突破‧

劇情發展至今，如果真係牛一，15614 便變為往后極强支持，近日急升，怕且点到會有一后抽再碰萬五中區頂，時閒可能頗急，自己要執生‧但今次熊市甘勁，牛熊就算破左拉下力度應頗勁，暫應去吾到太遠‧大市可能係萬五中至萬七中閒振盪消耗，策略上萬五中盡量吸一部份貨，如突破左肯定再追‧

如果今次又是熊彈，萬五中必大大摔破，貨多先前吸的可酌量减持等低些補回，貨少的就等低位買多些囉‧但上次双底形態太强，可能最低只去到萬二下就行人止步‧今次急升可视為基金補貨潮加水浸金山，外貿增長仍未見到‧但股市反邏輯同睇得早過你和我，不要用直觀死邏輯了，但盲沖沖全追貨也無須，就算牛一最尾都有个大調整，有本的怎會無機會，耐性最緊要，當然耐性太過就乜都無囉，要攞个中庸‧

冥冥

十天線破左二十天線頂住，怕且反彈已告一段落，先前保險落注死忍，蟹不多貨既不多就不走了‧反局討論過到大位時自自然然就有野发生，對應阻力調整，不旋踵便傳來墨西哥豬流感正在漫延‧

倒退加瘟疫為最佳創牛市組合，近的是沙士，遠的是 68 年香港大流感，67 年怕且是大跌市呱‧美國內傷，再不能点新火頭了‧今次機會難逢， Q 都 set 埋，如蟹左就死守囉，往后都應彈到呱‧

忠旺

忠旺 (1333) 係北車子公司，產品為火車系统所採用，食正基建浪‧最近低鋁錠價亦有利‧以上限 8.8 元招股作準及 0.48 盈利，PE 18.33 ，参考其他火車基建股有 20 以上至 25 左右，今次餓大型 IPO 太耐，投機性亦可一博，吾瞓身就得啦‧

Three Questions that Count

此為 Ken Fisher (Philips Fisher 兒子) 近作，有別於先前 Superstocks 專注小型反轉股分析，專注於宏觀策略分析，頗適用於一般投資者。

頭數章破常人投資迷思，人云所云‧例如常識偏向投資低 PE 股，但用日常數據驗證下只屬小部份 (R-sqr=0.2)，不是主要影響盈虧因素‧作者要人反覆驗證市場迷思，當眾人認為Ａ產生Ｂ便發生時，卻知道應大概是C，那你便有 edge 了‧

投資回報八成以上來自資產調配，只一成多由選股，所以常人應盡量貼近指標表現，除非極有信心市場過熱‧其指標通指為全球股票指數，亦可加新兴指數或各別 sector 指數，其組成為指數基金或個別龍頭股，個股投資不会過五巴仙‧投資者預期未來各國或 sectors 榮枯，會增加減少各比重去跑贏指標，但不會偏離先前比例太遠，估錯來年仲有得追，如脫脚十多巴仙就有排追囉，要知道連八成以上專業經理都跑輸‧

作者反覆告誡不要過份自信集中落注，決定前要諗諗衰左能否追回指標及接受到先‧以作者角度來說，而家肯定吾係清倉守現金時，反應要吸龍頭股貼市，入得早當然預輸，但升上去被甩開的風險更大﹔要知道海嘯后你仍有現金已跑贏大市二三十个，而家買已大賺差距了。

斷估‧迫叫

全球股市愈升愈有，無貨的如坐針顫，沽空的更不用說了‧

三月九号恆指築双底於 11345，高於上年低位 11016，相距四个半月差少少‧已確認為双底，亦顯示為一低高於一低之勢，為向好之跡象‧回看上兩次熊市形態，九一一后下一底 8700 創新低，往后反彈亦極弱至一萬就再跌直至歷史低位‧九七有四隻腳，一底低於一底，第二隻脚收八千上，最高反彈五成至萬二下，其第三隻脚反彈亦甚為無力‧每創歷史底位后，指數會以一底高於一底形式突破之前反彈阻力位為止，之后便变成牛市極强支持。

如上文話齋，似乎 15614 (上年十二月十一號) 反彈阻力形成時间仍未夠，今次可能反彈至左右為止，但双底已成及一底高於一底信号太强，而家吾追可能以后無得追‧最簡單莫於睇實最近既底來追貨了，而家咪係四月一号既 13520 及四月八号既 14475，跌破咪嘔回追左既再等，蝕咪當買保險‧

如而家你乜都無，跟零七年十月相反，建議往后点都要買番三四成貨做底，輸係其次，吾係跟住怕且無得玩，而家点算貴，由人稀萬一往上望當然反於二萬点往下望，吾好再墮入不跌到回就吾買既心魔囉‧

套戥

昨晚美股升到癲癲地，觀察以往宏利美收市同跟住港開市有一定溢價，跟先月剛相反，一於半夜起床拾番些零錢‧

計左七八日數據，預算能食二巴仙左右，多則四五，最差就平手全追回‧半夜扎醒於三時二十九分沽 MFC 於 104.62 港元，於港早上 AO 於 100 元補回全數，超出平均就不用等了‧遲些如果美沽家再沽宏利，香江價又溢於美市，又多張门券囉‧睇番收市先知美市於四時收市‧

昨勁升一千点，而家眾人又驚番無貨底，似乎要升到無人信為止，怕咪睇實五十天線先‧

Re: 百萬倉•上路

名稱	最後	代號	股數
沽出:
匯豐rights	14.50	2997	1166

	名稱	最後	代號	股數	買入價	交易日	總價	利潤	百分比
1	領匯房地產	15.32	823	18000	17.50	7/31/08	275,760	(39,240)	-12%
2	煤氣	12.22	3	17600	20.18	4/25/08	215,072	(140,128)	-39%
3	宏利	86.30	945	1300	251.31	4/25/08	112,190	(214,513)	-66%
4	交通銀行	5.38	3328	44000	5.08	11/28/08	236,720	13,200	6%
5	匯豐	42.65	5	2800	120.90	6/30/08	119,420	(219,100)	-65%
6	中銀	7.93	2388	20000	19.26	1/31/08	158,600	(226,600)	-59%
						股票總價	1,117,762	(826,381)	-43%
		由		至		現金	63,593
		5/27/05		3/31/09		總額	1,181,355	總利潤	18%
	恆指	13,715		13,576				恆指回報	-1%

百萬倉本想守，點知輸得更突，拾人唾沫之可戒也，亦可見金融之虛‧雖則往后反彈更勁，但分散各領域似乎穩些‧其實投資是為錢不為氣，無意見時轉大部份到指數又如何。大市進入整固，應趁空做功課準備另一階段，首要剔出駑馬，挑出千里馬的機會便多一点‧雖則止蝕十分痛苦，但往后不換馬怎追回先前，而注碼方面每只不会超八囉，會慢慢轉慢慢試‧

斷估‧有約

回看上章斷估，不能戒估底惡習，更懶做定期結餘比例檢查，食反彈得個講字，倒不如被動式做配置好過囉‧

三月九号恆指築双底於 11345，前后四天收低於 12000 (上年只有一天收低於 11016)，各指數股多企高於上年調整底，除匯豐外‧牛熊線由年初至今跌 2496 點，即平均每月跌大概 800 點左右，現位置於 18425 點‧以慣性來說，牛熊線應於今次最后調整底以上附近整固才能屈上再爬升過，而指數亦於前后向上快速突破此線才能帶動向上‧假定 11016 為底及牛熊於 13000左近整固，那么上落市要運行多 8-12 月左右 (愈向下跌跛愈平)‧左計右計，假定整固位於 10,000 (底 8xxx) 或 15,000 處，距現時短則四五月，長則十二月上下‧會不會突破或只膠著不知，但之后每一次向下應積極吸貨底做準備。磨完末日式再跌就無話可說了，留少少守有什所謂，怎可賺盡‧

查看恆指公司，昨天收 14119, PE 8.36 yield 5.02，打六折則 PE 13.94 yield 3.01﹔於 11016 六折后為 PE 10.91 yield 3.82，當收息都好過買十年債了‧

分野

今日升得有声有勢，恆指首收貼一百天線，國指早突破曬貼一五零‧明天如能企穩突破此一浸升勢應有機破萬五五以上，投機追貨有什所謂，輸甘多点都想補一補，將止蝕放在今天位便可，守耐些就放昨天囉‧

收息

昨晚反聚公屋仔提到匯豐仍然高息，相信仍是大部份供股者所想。先前說過蚊型股收息不是重點，而家大股怕亦如此。

盼望收高息當家用或防守，無可厚非‧但正如前所說，就算簡單計都要睇睇生意能否持續產生此現金流支持配息先，吾係見到低 PE 高息就盲目冲入去‧先前中信連年高息引到勁多阿公阿婆落㗳，收收埋埋仲要輸突，靠巨收息過世真係幾危‧股神妹妹亦曾用 write options 去賺每月收入，八七一鋪清袋仲要輸突‧所以太著眼組合收入，不細查其中價值、變化及風險，跟買迷債有何分別‧

投資一隻股票，到底係要乜先？收息差價只是配菜，中心的應是要用合理或折價買入及持有於可見期內能產生能預計自由現金流之企業股票，直至市價超過一定價值為止，個時再揾過另一隻合格個囉。

寬鬆

今次重貨比人食住，感性控制理性，無話可說，雖則結論行動一樣，差少少就差很遠了。

量化寬鬆，即係全速開動印刷機黎賴債‧逃得過初一，避不過十五，五十步笑百步而已。經濟差是必然，但不代表物價一定走低‧七八十年代花旗滯漲已有先例，買債托市無話可說，用黎揸無異去死‧股市其中只上下波幅，賺的都是借債買實物，時光怕且要倒流囉‧

供股‧屈機

左計右計，除權前會弱，估計除權后應強 d 呱，但包銷是大小鱷，可能屈機愈噤愈低直至眾散戶棄股棄權，心諗於恆指增持下或能稍好價沽少少 1/3 匯豐。昨周末見尾市 AO 尾顯示 44 左右，即最后一分鐘限沽 43.5，收市剛好卻被市價盤排先成不了，換馬盈富卻已 AO 買入。AO 用市價盤太危，今天由 38 一擠即到 33 便知，想即出入又不能即時知承否。

勁跌到昨周末匯豐說少不少，但全數長喳又不放心。開頭用匯豐守望守贏恆指，以 22000 點作準及獅王當時約 120 元，假定市價 40元，即跑輸大市 21.3% 或此刻剩余資本蝕多 39%。但以現時來看兩者能追回平價當然最好，但似乎守攻方面盈富似穩勝獅王，輸就要認，有懷疑先換一半，留一半看能否平價或以演習供股，感性上應不用再夜深扎醒掙扎去留，好似股神話，賺到都吾值得。

今早開市不久即摔破四十，稍彈回即於 39-40 狠心沽一半。猶豫今天是個底，一沽即彈，但保護資本是第一，本人就先取回強一半換馬至盈富，保持持貨比例。看大市要跌，但長期換馬只看平價及值博率與否，估市只增遲疑。

今次擺明大戶屈機，要散戶扯白旗棄股及權，除權后沽壓照舊黎呃股同權價，怕且要下月匯豐才可稍反彈。以股息減少五成(以 104元上次高底作準)及賬面值沖淡下，新股中期內應不能突破賬面值 51 元。管理層應對危機及有否照顧小股東，老屈12供5及不盈警坑人便知，折就有怎值溢價。

東尼經過多次循環今次都要執包袱，暗示舊方法已行不通。本人亦犯偏聽毛病，君子問兇不問吉，跌左幾成正反論據都要找年報對對呱，而且持貨太重跌剩兩三成真係無得翻身，以后每隻股份投資最多五巴仙，就算超信心的亦不能多過八，以免再重傷。

供股‧２

從年報知現獅王賬面低過六十元，供股價剛好一半。市價八十供四十拎得更多，但毒瘤要摺，吾通仲留商譽認為有錢賺嗎。看宏利賬面批股都要跌剩六七折，不似渣打，今年獅王是要用低供，否則蟹得仲慘烈。

供股不是一定要供，反之可視為套現機會。除權前價愈高，權價亦高，蟹戶套現能高過十五巴仙，未計沽清。如太貼招股價則追加至三十巴仙以上，原股東認購意欲趨少。所以二十三號前股價應處弱勢。但各基金因恆指變動要補貨，要看看權價走勢，看有沒套戥機會。

獅王神話已滅，長喳漸加收息致小康不是必然，與其待為老伴，不如視為一般投資。不用愛亦不用憎恨，反正其他亦會一樣，估估壞賬撥備仲有幾多仲實際些。

供股

匯豐年結供股加減息，全城熱罵。與其喊苦喊忽，不如計計去留。選擇不離以下三途 (雖則財務結果是一樣) ﹕

1. 全數供股，以今天收市價 44.2 作準及 12 供 5，除權價應為 39.44 元，即每舊股追加資本 11.67 元，即大概追加26%原先投資額。假定零九年派息為 8 x 3 + 10 美仙，全認購后息率為 6.68%。如認為現價低於價值、或貨低本想買入，可全數認購或追加認購權﹔

2. 離場，可除權前或除權后離場，理論上兩者所沽總數應一樣，即暫時 44.2 元。簡單計新股認權價為 (39.44 - 28), 11.44 元，高水低水視市場情況而定。如睇淡或有更好選擇，可採用此﹔如選后者務必於月尾前沽出，早沽些似乎穩些，亦可見應有低水時機﹔

3. 留舊股沽認權，照以上計算即每舊股拿回 4.77 元，即套現 10.8% 現有投資。觀望、貨重或有類似選擇者可選此。以現價 44.2 元計零九年股息率 5.96%，除去一成套現后跟選擇一同是 6.68%，所以股息多寡不是要點。

短期來說股價是投票結果，但分散投資亦是要務。忠心如東尼怕會選第三跟二，且戰且退，甘重貨再清袋怕過吾到世，發左都補吾番。本人入市主靠盈富，短期內匯豐由一成加至一成半，假定你有六成盈富，九巴仙身家已是獅王，所以本人選擇亦偏向三，務求平衡風險。

獅王此役加速全城淡氣，挪亞方舟已半沉，眾人持股信心更趨弱，本人重創超於預期，但熱切期待大時代。葛林搓圓噤扁，今年不會有好消息。但股神師傅話齋，大升莫即時追，大跌莫即沽。好似先前講過，市差睇一年個個都死，睇平均營運似近磅些。現家十年一見負商譽，但無招牌信譽誰信你，未計對手已變晚娘福利員 teller 囉。

百萬倉 平水

名稱 最後 代號 股數 沽出: 宏利 118.90 945 1100 19/2/09 130,790 MFC 87.35 MFC 1300 26/2/09 113,555 買入: 宏利 90 945 1300 27/2/09 117,000 MFC 95.33 MFC 1300 19/2/09 123,929 名稱 最後 代號 股數 買入價 交易日 總價 利潤 百分比 1 領匯房地產 14.86 823 18000 17.50 7/31/08 267,480 (47,520) -15% 2 煤氣 11.80 3 17600 20.18 4/25/08 207,680 (147,520) -42% 3 宏利 90.00 945 1300 251.31 4/25/08 117,000 (209,703) -64% 4 交通銀行 4.71 3328 44000 5.08 11/28/08 207,240 (16,280) -7% 5 匯豐 56.95 5 2800 120.90 6/30/08 159,460 (179,060) -53% 6 中銀 7.82 2388 20000 19.26 1/31/08 156,400 (228,800) -59% 股票總價 1,115,260 (828,883) -43% 由 至 現金 46,686 5/27/05 2/27/09 總額 1,161,946 總利潤 16% 恆指 13,715 12,812 恆指回報 -7%   短短一星期宏利回復平水，懶懶地用昨晚 MFC 價轉回本地公仔紙，阿 Q 地拉低持貨成本，本地通常都高少少。黃生已變賭仔一名，喝醒差價好過傻傻持同溝貴貨。但見一二已爆，便斷然說未死等皆垃圾待爆，甘怕且抹殺所有慬慎的功效，悲觀得末日派了。   日炒夜炒只賺蠅頭小利，賭得大至槓桿郁少少隨時輸身家。阿爺中長期必然強力增長，三萬點如是，現家投資已賺多人一倍有餘未計長遠。站得高些看得遠些，前面的浪只是碎料。

---

Yahoo!香港提供網上安全攻略，教你如何防範黑客!了解更多

落注

瀏覽現還存活部落格，有輸了成層樓的，有輸賬面七位數的，不離槓桿過大加不認輸，或太重倉甚至於一注獨贏。大市及周圍差不多跌回谷底口，個個深呼吸等玩第二波過山車，教人落注自己都猶豫。如讀者係綁到實一實，下文就不用看了。

投機看時機趨勢，投資看價值價格差距，想一投資即賺好似都幾矛盾。本人日常短炒十格八格賺下使費，對象為籃籌或大型 H 股，食到就食，蟹左就當投資。諗落都幾阿Q，但理性上大市日跌，股票比例趨低資產分配上有提高需要，自動做蟹好過左諗右諗。又回到老問題，為何不等極恐慌浪底時曬泠，我就會反問自己能否於三萬以上沽清。於其精確地錯，不如笨笨地岩，雖則短期要扮下蟹先囉。

等牛市確定才入市即賺不用輸當然最好，最明確莫過於明顯上破高位 31368 至谷底波幅一半為止。誇張些當谷底是 6000 點，等信號人仕要等破 18700 點才開始入市。更搞笑當谷底是零，確定位即位於中線 15700 點，以上次牛一經驗破 13500 后最后入貨位 11800，跟住牛一最佳入貨位即為 13720 左近。或會說 23000 以上都是做出來的，但做出來都要真金白銀呱，這跟九七時說 14000 以上是虛有什麼分別。照推論等穩賺的長遠成績必少於現全倉者，更遑論能利用續后調整者，雖則此兩類人正淌著更多的血。數傷口不如計計於谷底時還能否開反更實際點，但以息口差距計算股票組合現時應餵得你更飽，與債券收入差距成倍，若有若無定期更不用說了。

蟹了的時候自己會打長期分及短期分，現家長期怕有六七分呱，短期衰了咪俾兩三分，有長期打底輸左也不用心慌，現投資者最大的 edge 就是不等錢駛，即係不用被迫沽去開反，個價點低都耐你吾何，當然要輔上阿 Q 的 EQ 哩。

百萬倉 套利

沽 945 1100@118.9，即晚換入 MFC 1300@95.33。月尾記錄。

套利最緊要快，所以不等美收市即入貨，95.33 亦是我實則換股價。本來想撈多兩成黎補充稀釋，吾知係花旗太悲觀定香江太樂觀，但差額不用無異扔銀入海，價值投資都要加些賭仔心清。

當平價時會轉番香江公仔紙，上次任食已是一拆二時，市場真係有時幾搞笑。

餓

吃菠蘿包看墓碑一書時，想到阿鼻劍漫畫，饑荒中父母將要屠兒一幕。白衣淨士只係空想，要死的熬幾個月便解脫，活下來的反覆折磨，心中已下地獄。坑人整人的怕不會后悔，雖則死前想的亦差不多。

易子而食只當豬羊，但想著自家孩儿笑臉魂已消。當是外物可消可滅，但心實有感。安慰百年萬年后一切皆空，甚罪甚苦亦只歸虛無，有什么好算。

樂苦相隨，窮通亦如之。苦孽無邊，不為自己及旁人加添己是無量，其取向不離於不物化一切，於佛家來說怕是常懷慈悲之心呱。婦人之仁，只見其所見，佛家所見應是空中見苦蒂，亦是天堂路引。

退讓

反對理據薄弱無新意 上市委員會不應退讓
2009年2月12日

【明報專訊】港交所上市委員會(下稱委員會)今日再議延長董事股份禁售期事宜。此事擾攘已久，反對陣營的理據已表達，並無新意。如果反對陣營未能提出新而重要的理據，委員會基於營造市場公平原則，應該堅持立場，不宜退讓；另外，政府和證監會應該尊重並維護上市委員會的獨立性，不應該屈從部分上市公司的壓力，要求委員會退讓，或不顧後果地以大石砸死蟹方式，推翻委員會的決定。因為當局要是這樣做，會被外界視為赤裸裸地官商勾結，嚴重損害香港作為國際金融中心的聲譽和地位。
奉勸中央不應插手
否則香港變質變味
上市委員會應該堅持立場，不應退讓，主要基於以下4點考慮。
首先，也是最重要的，是延長董事禁售期，旨在避免上市公司董事利用預早知悉公司業績的優勢，買賣所屬公司股票，違反市場公平原則。港交所上市科的資料顯示，確有不少公司董事利用知悉業績後而又未踏入禁售期的期限，買賣公司股票。以去年為例，9000多宗董事申報股份買賣個案中，超過三成是董事在相關「空檔期」(即年結後至業績公布前一個月)，買入公司股份，賣出的個案同樣有三成多。延長董事股份禁售期，才可以減少這種情，使其他投資者處於較公平景。
其次，反對陣營突出董事禁售期延長後，理論上董事全年有最多7個月不能買賣所屬公司的股份；不過，實際上如果公司盡快公布業績，則有關禁售期就可以大大縮短。例如，恒隆系2月10日已經公布截至去年底的業績，此乃其恆常做法，往年亦是這樣處理，顯示有些公司不早日公布業績，非不能也，是不為也。延長董事禁售期，其實提供了誘因，就是董事若要買賣所屬公司的股份，就請盡快公布業績，此舉也有助提高本港上市公司的管治質素。
第三，有關延長董事禁售期安排，港交所去年1月發出諮詢文件，收集意見，3個月內收到104份回應，其中35份表示反對，其他69份表示支持或沒有意見，其後委員會討論，決定建議延長禁售期，最後獲得證監會拍板通過，今年1月1日實施。但是在生效前，才有約300家上市公司突然在報章登廣告，高調反對，委員會備受壓力，經商討後維持原來決定，但延至今年4月1日實施。
有關決定是由獲授權的上市委員會，經過正常法定程序達成，百分百符合程序正義。反對陣營在新規定生效前發難，除非能夠提出當初諮詢時各方面都忽略了的重大事項，可能對市場構成嚴重衝擊，則委員會自然應該重新考慮；可惜至今為止，反對陣營的理據薄弱，沒有新意，不足以構成上市委員會重議或重新諮詢。
當然，按現行法例規定，若證監會認為上市委員會的決定不符合公利益，可以引用《證券及期貨條例》所賦予權力，予以否決；不過，若證監會這樣做，必須提出令人信服的理據，否則它不但了上市委員會，還會被指摘屈從財團的壓力，明目張膽地搞官商勾結，罔顧大多數投資者的利益。
第四，此事發展至今，最使人關注者，是有象顯示反對陣營不但罔顧既定程序，還企圖繞過既定程序施壓，以圖迫使延長董事禁售期夭折。例如，恒隆主席陳啟宗前日談及此事時，曾笑稱有「市場人士就新規定向中央告御狀」。此說當然不能得到證實，不過如果屬實，有關人等肯定極其不智，因為連這些事也引入中央干預，香港整體管治格局便會出問題，對本港絕對不利。要是中央接了「狀子」，我們奉勸中央也不要插手，否則香港這杯茶，會更加變質變味，對香港絕無好處。
勿成「私人俱樂部」幫兇
政策要得富商巨賈首肯？
近期，港交所及證監會行政人員不斷游說，並拋出一個建議供上市委員會考慮，把禁售期、季度報告和財務匯報期等3項相關連措施，一併討論，再作諮詢。港交所及證監會行政人員是否因為財團的壓力而提出這個建議，變相抹去指日實施的延長董事禁售期，無從得知；不過從事態發展看來，不能排除此可能。事實上，相關措施多年來早已諮詢過，特別是季度報告，都因為許多上市公司強烈反對，長期以來停留在議而不決階段(諷刺的是，連較晚發展的內地市場，也實施了季度報告)。所以，以此為包裝重議，司馬昭之心路人皆見，就是要拖死延長禁售期。
有人把這個建議視為給上市委員會的下台階，其實委員會在此事上，於情、於理、於法都完全站得住腳，無可挑剔，根本就不需要什麼下台階，委員會經過討論後堅持原有決定，完全正確和值得支持。在此事上要找下台階的，應該是身負替一些財團擺平此事「責任」的人。
雖然本港自詡、也被認為是國際金融中心，不過觀乎一些情，與金融中心的應有要求相去甚遠，禁售期、季度報告和財務匯報期長期遭到抵制，就是一例。一些人可能欲藉其財力影響政策，把公開市場視為「私人俱樂部」，作為監管機構，為了維護香港市場的令譽，應該盡其所能，使不符香港整體利益的圖謀不能得逞。如果監管者或是更高層的公權力竟然同流合污，為「私人俱樂部」開綠燈，甚至保駕護航，則不但失職，還成為損害香港利益的幫兇，為人所齒冷。
如果延長董事禁售期因為有人操弄，最終胎死腹中，後遺症十分嚴重，日後政府諮詢政策並作出決定之後，能否落實，會遭到質疑。屆時若有富商巨賈心血來潮，發動反擊推翻政策，政府還怎樣有效施政？所以，監管機構和政府應該三思：如果容許一些人在沒有新而重要的理據下成功反對延長董事禁售期，此例一開，後患無窮。

敢於

董事禁售風波快了斷 上市委員成意外英雄／文﹕李先知
2009年2月11日

【明報專訊】金錢與權力從來都是孖生兄弟。有了錢之後，自然希望有權力，既有利於保衛自己的利益，也可以透過實現自己的意見，來顯露自己的政治力量。正因如此，有財有勢的人一旦心願受挫，隨時會翻起政治巨浪。近日政圈便傳遍了一個類似的故事。
話說本地一位大財主，因一時間走漏了眼，沒有看清楚香港交易所去年提出延長上市公司董事禁售期的建議，因此在漫長的諮詢期內沒有提出過丁點兒意見。這項建議亦因此而出乎很多人的預期，竟然得到了證監會的批准。及至交易所去年11月底宣布準備由今年1月1日起正式落實有關建議時，財主才恍然大悟，隨即下令一眾「打手」要出面翻案。頓時間，政圈裏捲起了千堆雪。
到了上月中，在炮聲隆隆的背景下，交易所行政總裁周文耀提出，上市委員會應把每季公布一次業績、延長禁售期及縮短公布業績時間等三件事一併考慮，亦即所謂的「通盤方案」。接，證監會主席方正也不敢再堅持該會原來批准延長董事禁售期的決定，改而呼籲港交所上市科以及上市委員會應該重新考慮市場意見，即使反對意見是較遲才提出，也不應該否定。他又辯稱延長董事禁售期的主意不是來自證監會，強調這只是源於「證監會轄下一個公眾股東權益小組的建議」。最後，代表政府的財經事務及庫務局長陳家強又放話說，政府支持重議延長董事禁售期的主張。
這時，任何明眼人都意會得到有權有勢的一族意欲找個下台階。因此，在前日上市委員會再召開會議討論此事之前，很多評論都估計由證監會委任的上市委員會，將會響應證監會及政府的呼籲，重新就延長董事禁售期一事展開諮詢。沒料到，上市委員會竟然選擇了「企硬」。知情人士透露，上市委員會已決定向證監會發出最後通牒﹕要證監會在兩天內就上述的「通盤方案」提出具體建議，不然的話，上市委員會將會「企硬到底」，堅持不會再就4月1日起實施新董事禁售期限制的決定有任何退讓。若證監會不同意，便請證監會運用殺手，否決上市委員會的決定。
不過，市場中人都心知肚明，證監會不會貿然破格運用上述從未使用過的殺手，因這等同直接干預市場的運作，會嚴重打擊特區政府一直向外強調的以「市場為本」的監管哲學。
昨日，很多政圈中人都在問﹕為何上市委員會成員「咁堅」，竟然敢於挑戰大財主，以及隱藏在證監會之後的特區政府呢？知情者指出，一眾上市委員會成員都是不用靠財主搵食的專業人士，而且大多都是抱為香港做點事的心情來服務委員會，因此絕對有條件不賣任何人的帳。
消息人士指出，在前日的會議上，最教委員不滿的是，證監會只叫他們重議禁售期，但卻無法說出上市委員會究竟做錯了什麼事，從而要改變原來的決定。再者，與會者個個都是聰明人，一聽證監會提出想重新諮詢，但又不肯講倡議多年的「季度報告」或「縮短公布業績期」會否落實，大家都即時意會，這是政府慣常用的「拖字訣」，一旦該會此時放棄4月1日推行原來安排的決定，整件事隨時會一拖再拖，最終落得無疾而終，所以決定「把球發回證監會」，要求他們就所謂的「通盤方案」提出具體建議，否則會堅持原來的決定。這樣一來，證監會便要在財主與上市委員會之間作出選擇了。如今便要看近日感冒纏身的證監會行政總裁韋奕禮及其真上司——財政司長曾俊華的政治智慧了。

先行

春節后 A50 (2823) 節節高升，五十天線亦自上年五月后第一次重貼及突破，中期趨勢亦冉冉向上。今次反彈應極為有力，現 2823 及 2828 五十天位置為 8.99 及 76.20。

8006 china.com

Manchai: 時間 標題
02-10 10:58 DJ 市場快訊﹕中華網(8006.HK)飆升43.4%﹐因派發特別股息 [XFNA]
02-10 07:43 中華網<08006.hk>派特別息3.66元 [AAFN]
02-09 08:39 今天公布業績的公司 [AAFN]
02-04 13:03 《盈警響號》中華網<08006.hk>料末季重大虧損，午後復牌 [AAFN]
02-02 12:20 中華網<08006.hk>今早停牌，涉發盈警(更新) [AAFN]

爛賭老散: 和電早前派高過消息發布前既股價既股息然後又再向母公司借錢, 之後仲話幾多年唔派息, 財技仲經典。

北泰

昨晚突宣清盤，馬后炮都要番睇下半年通告，以免再中招，雖則要還神了。

2008 年 12 月 31 日:
張振娟女士([張女士])已因有意發展其他事務而辭任本公司執行董事及集團財務總監之職務，由二零八年十二月三十日生效。楊彬先生([楊先生]亦因個人事業發展而辭任本公司執行董事之職，於同日二零八年十二月三十日生效。

前一日剛公怖中期業績，奕日即有兩要員辭職，還包括財務總監，有珍惜羽毛味道喎。小心的應再細看前日業績微言:
資本承擔及或然負債於二零零八年九月三十日止，本集團的資本承擔總額約為人民幣329,400,000元（二零零八年三月三十一日：人民幣142,490,000元）。於二零零八年九月三十日止，本集團並無重大或然負債（二零零八年三月三十一日：零）。

簡明綜合資產負債表於二零零八年九月三十日現金及銀行結餘2,674,995 本公司股權持有人應佔權益3,506,108

說真的看中期報表真看不到甚，但一閒公司只用 24 巴仙股本做生意真係怪怪。從或然估算亦不能估算賭緊乜同幾大，但先前通告已知賭緊紐紙，或然估算任巨講，信就太天真了。

好似 399 一樣， too good to be true 一定有 d 野，食少次好過被人釣。如再加民企、福建幫、高現金低派息、集體跳船、專欄合唱價值首選、賭約纏身，痛都要割囉。

執生

任志剛 2009年2月5日

我最近提過全球金融危機的最新發展。有些人聽了或會感意外，但我只是再提醒大家注意形勢不斷在變，有可能需要採取相應的防範措施。金融危機仍未結束，大家有必要保持戒備。根據不同的演譯，全球金融危機的最新發展的其中一個可能，可以是第一波的延伸，不少地區(尤其已發展市場)的金融機構陸續公布因製造、分銷、買賣及持有「有毒」金融資產而直接或間接導致的龐大虧損。各國政府推出史無前例的龐大挽救方案後，很多人還以為形勢會有好轉，但大型金融機構在2008年第4季業績錄得虧損數額之大，卻超乎市場預期，令人再度關注金融危機的嚴重程度。...

另一方面，已發展市場信貸收緊與經濟大幅下滑之間的惡性循環，可能令金融市場波動更大。若借款人面臨財困，無力償還債務，銀行方面便可能要承受龐大的信貸虧損。... 已令新興市場元氣大傷，它們更容易受到市場氣氛突然逆轉(以致金融市場波動)影響。現時市場上的研究報告林林總總，其中包括就新興市場作為一個投資類別的分析，以及個別新興市場和有關貨幣的前景探討等，內容不免提醒大家慎防市況急轉。對有需要管理相關風險的朋友來說，這些研究報告都具有參考價值 ...

會計師行研究-完 - from 味皇

http://hk.myblog.yahoo.com/lgaim-foolman/article?mid=1230

墮落

餐廳上榜眾人朝聖食招牌菜，不失為一種咀咒，只有變差，從沒變好。

維記牛奶同豬潤逐日長龍，食未坐暖已趕客，囉黎賤，豬潤亦不見最沙最滑。時新排第一漢堡包卻不熱不泠，街坊都搖頭。九記對面闊太推介緊腩伊，卻韌過普通鋪頭。蘭芳園污糟檯面煮，面又生，加番茄都無用 ...

茶水濃落足料，多士黃金面熱到透吾係白曬曬，面煮得恰好又有中湯底，加三角火腿太陽蛋，附近地痞已足矣。

百萬倉 分散

名稱 最後 代號 股數 買入價 交易日 總價 利潤 百分比 1 領匯房地產 14.70 823 18000 17.50 7/31/08 264,600 (50,400) -16% 2 煤氣 12.74 3 17600 20.18 4/25/08 224,224 (130,976) -37% 3 宏利 132.00 945 1100 297.00 4/25/08 145,200 (181,500) -56% 4 交通銀行 5.18 3328 44000 5.08 11/28/08 227,920 4,400 2% 5 匯豐 60.80 5 2800 120.90 6/30/08 170,240 (168,280) -50% 6 中銀 8.03 2388 20000 19.26 1/31/08 160,600 (224,600) -58% 股票總價 1,192,784 (751,356) -39% 由 至 現金 43,270 5/27/05 2/1/09 總額 1,236,054 總利潤 24% 恆指 13,715 13,278 恆指回報 -3%   百萬倉超過一半為金融股，調換不為過，橫豎街外多跌過一半，慢慢諗下。於普通股民實際來說，現金應是分散對象之一，雖則現長遠風險還大過公仔紙。

---

Yahoo!香港提供網上安全攻略，教你如何防範黑客!了解更多